TVET, Dili- 03 Outubro 2023 Sekretaria Estado Igualdade ni Inkluzaun ( SEII ) servisu hamutuk Ministeriu Justisa no parseiru Internasional sira organiza atividade ho tema Feto iha kareira juridiku atu fo kbiit ba feto sira iha setor legal hodi hasoru violensia bazeia ba jeneru no hametin feto sira iha orgaun atu foti desizaun nian.
SEII, Elvina Sousa hateten, objetivu prinsipal husi eventu refere, garante ho pursentu neen nolu (60) feto bele asesu ba pozisaun ou kargu atu foti desizaun nian hodi bele hetan justisa no seguransa , tanba dadaun nee Timor-Leste mos adopta ona ezekusaun konsellu seguransa nebe mak iha atu aumenta feto nia partisipasaun iha area justisa nian
Hau garante ho pursentu neen nolu ( 60 % ) husi feto bele hetan asesu ba posisaun kargu foti desisaun ba Justisa no seguransa tuir ida idak nia kapasidade neebe iha,” dehan Elvina Souza iha salaun Hotel Timor
Elvina Sousa hatutan tan relatoriu husi tinan 2020 nian sita katak kazu barak mak pendenti, tanba limitasaun rekursu juridiku barak mak iha timor laran tomak ho IX-Guvernu Timor-Leste haforsa asesibilidade tribunal atu hetan justisa iha area rural
Tuir dadus neebe Sekretaria Estadu Igualdade no Inkluzaun (SEII) assesu katak iha Juiz hamutuk 34 kompostu husi Feto 14 mane 20 Provedor 36 feto 6 no mane 30, Defenssorres publika 34 feto 5 mane 29, numeru nee hatudo katak feto mak ho numeru neebe kiik liu.
REPORTAJEN, ANA ROSARIA DA SILVA, TVE.
