Reportajen, Adelino dos Santos
Editor : Lidia Amaral
TVE- Zenebra : 03 Outubro 2023 Prezidente Republika Jose Ramos Horta husu Governo atu hadia sistema atendimentu no lei sira atu dada investidor sira mai timor leste
“Hau dehan bebeik ba Governo tenki hare ba problema hirak neebe mak bo’ot iha nasaun Timor Leste liu liu ita nia ema sira ne’ebe mak servisu iha Terras priopridades no servisu iha MKAE no balun ne’ebe mak seidauk hatene ita nia regras no regulamentu sira no la tuir governu nia politika,tamba ita nia politika mak oinsa atu dada investimentu , hare lei sira hodi fasilita investidor no la’os atu kumplika”,Dehan presidenti Republika” .
Tuir ranking Banku Mundial nian hodi halo klasifikasaun ba nasaun sira nia preparasaun no sira nia kbiit atu simu investimentu maibe Timor Leste iha difikuldades ne’ebe mak barak tebes la hanesan ho nasaun sira seluk mak hanesan singapura,Vietname,Nova Zelandia,Australia sai hanesan nasaun neebe mak iha investimentu diak tebes maibe timor leste seidauk iha tekniku neebe hatene hodi fo informasaun lolos.
Prezidente Ramos hatutan, One Stop Shop katak tulun no fasilita lalais investidor sira maibe iha timor leste lori tempu naruk tebes, wainhira la rezolve protesaun investimentu ” investment protection ” no dupla tributasaun katak investidor karik selu impostu iha nia nasaun labele selu tan iha timor-leste tanba nee governu tenki halo negosiasaun hanesan iha nasaun portugal neebe mak iha ona eliminasaun dupla tributasaun no ida seluk mak investe protesaun bainhira ema rai osan iha ita nia rai tenki iha protesaun kada tinan.
Ramos Horta mos husu governo presiza hadia setor justisa mak hanesan tribunal arbitral nunee bele garante investidor sira mai timor-leste, hari mos komisaun arbitrazen no tribunal arbitrazen hodi bele iha juiz estrangeiru tuir sistema juridiku neebe mak timor leste iha. karik timor leste la hadia sistema justisa lalika lakon tempu hodi halo kampanha marketing hodi dada investidor sira mai timor leste no problema preokpasaun sira nee hau hatoo bebeik ba governo no deputado sira.
Akompanha Topiku Atual, Iha Kanal Tvet
https://www.youtube.com/watch?v=_b-HjsJPCh0
