Reportajen. Ezequiel das Neves
TVE-T – Liberia 8 Outobru 2023,
Sekretariu Jeral Organizasaun g7 + Helder da Costa halo enkontru ho Komisariu Comissão Nacional de Eleições Sigla CNE Liberia nian iha 07 Outubro 2023 koalia kona ba preparasaun Eleisaun Jeral Prezidensial no Parlamentar 2023
Secretariu Jeral Helder hateten, ami iha nee hanesan delegasaun misaun observador organizasaun g7+ ba eleisaun Presidensial – Parlamemtar Liberia.
“Ami mos foin hasoru malu ho Presidente Comissão Nacional de Eleições ho ninia komisariu nain hitu (7} no sira esplika ba ami preparasaun ba Eleisaun Geral nian nebe sei akontese iha loron 10 fulan outobru tinan 2023 “
Partidu politiku hamutuk 40 resin mak sei konkore iha eleisaun jeral Liberia, sei hili deputadu nain 73 no kandidatu (a) presidensial hamutuk nain 20 resin. kampanha eleisaun iha Liberia hahu iha loron 5 fulan agostu to’o loron 10 fulan outobro tinan 2023, dehan Helder da Costa
Helder Husu timor oan sira akompanha nafatin prosesu festa demokrasia iha Liberia liu iha kanal tvet nunee g7+ bele apresenta ba komunidade internasional no bele projeta aktividade organizasaun g7+ nian iha Liberia
Grupo g7+ hanesan Organizasaun inter-governamentál g7+, ne’ebé harii iha tinan 2010, husi inisiativa Timor-Leste , kompostu husi nasaun 20 husi Áfrika, Ázia-Pasífiku, Karaíbas no Médiu Oriente: Afeganistaun, Burundi, Xade, Komores, Kosta Marfín, Giné, Giné-Bisau, Haiti, Iemen, Illa Salomaun, Libéria, Papua Nova Giné, Repúblika Sentru-Afrikana, Repúblika Demokrátika Kongu, Saun Tomé no Prínsipe, Serra Leoa, Somália, Sudaun Súl, Timor-Leste no Togo. Totál populasaun husi nasaun sira ne’ebé forma organizasaun g7+ hamutuk ema millaun rihun 1,5.
Hare Mos Vidio Topiku Atual tvet, Live Hus no Liberia
