Reportajem Ezequiel das Neves husi Libéria
TVE-T-Liberia (13-101-2023) – Observador membru nasaun g7+ ba Eleisaun Jeral Liberia 2023, Lideradu Sekretariu Jeral g7+ Helder da Costa la’o ho susesu no hetan apresiasaun husi Komisaun Nacional Elisoens Liberia hafoin aprezenta relatoriu preliminar kona ba observasaun Eleisaun Jeral Liberia (10/10) durante semana ida
” Ohin misaun observasaun eleisaun g7+ nian iha Liberia, iha onra fo previleju ba hasoru Prezidente Komisaun Eleisaun Elisoens iha Liberia nian hodi entrega ofisialmente relatoriu preliminar ne’ebe ekipa halo durante observasaun, no ami esplika ba Komisaun Nasional Elisoens kona ba periodu kampaña to’o ensermentu eleisaun nian buat halo ho di’ak, iha situasaun insidente balu maibe ne la dun afeta lalaok votasaun iha loron eleisaun. tantu Presidente CNE Liberia nian apresia rona mos rekomendasaun ne’ebe mak hato’o ba nia, no nia sei lori ida ne’e ba plenária hodi toma konsiderasaun, depois hodi rona mos observasaun husi misaun observador internacionais sira seluk ne’ebe presente iha ne’e”, Dehan Helder da Costa
Helder hateten liu tan katak husi relatoriu ne’e ekipa observador g7+ rejista faktus barak mak sai hanesan ezemplu ba estadu membru g7+ nian iha mundu.
“ Ohin ne’e hanesan alto simbolu ida ba apresenta relatoriu pre-liminariu ba sira hodi nune’e sira bele nota katak saida mak ami halo ne’e, hatoo ba sira hodi hadi’a jestaun eleisaun nian, liu-liu mos ba CNE hodi hadia sira nia metodu ho susesu, tanba bele dehan katak misaun kumprida iha Liberia, tenik Helder
Enkuantu Komisariu Komisaun Nasional Elisoens Liberia nian, kongratula observador internasional husi nasaun membro g7+ nian durante semana ida iha Liberia tanba bele konklui misaun ho susesu maske simu rekomendasaun balu kona ba faktus sira nebe ekipa observador sira observa durante semana ida iha Liberia ne’ebe Lideradu Sekretariu Jeral g7+ Helder da Costa, Diretur Operasional g7+ Felix Piedade inklui ekipa tekniku Cesario Martins no mos kompostu mos husi nasaun seluk mak hanesan, Sireleon husi Abdulla.
HARE’E MOS VIDIO TOPIKU ATUAL
