PREZIDENTE PARLAMENTU UEA HAKARAK VIZITA TIMOR-LESTE
Abu Dhabi, 16 Outubru 2023
Hafoin partisipa nu’udár oradór iha abertura forum Investimentu Mundiál ba da-8, Xefe Estadu ho delegasaun kontinua vizita Parlamentu Uniaun Emiratus Árabe (UEA) hodi hasoru malu ho Prezidente Parlamentu Federál UEA, Majestade Saqr Ghobash.
Hasoru malu ne’e, ko’alia kona-ba relasaun bilaterál entre Timor-Leste no UEA liu-liu iha area Polítika no ekonomia.
‘’Prezidente Parlamentu Federál UEA nian hakarak vizita Timor-Leste no ha’u hateten, favor mai, ha’u simu kedas. Sira simpatia loos ho Timor no oinsá apoia guvernu federal nia inisiativa uma, atu tulun Timor-Leste’’.
Ba Futuru, Xefe Estadu husu ba bankada Parlamentár no Guvernu liu hosi Vise-Primeiru Ministru no Ministru Koordenadór Assuntu Ekonomia no Ministru Turízmu no Ambiente , Francisco Kalbuady Lay ne’ebé akompaña enkontru refere, hodi ko’alia ho Parlamentu Timor-Leste atu hakerek karta formal ruma hodi konvida Parlamentu Federál UEA vizita Timor-Leste nu’udár mos parte ida hosi diplomasia.
Xefe Estadu mós apresia ba partisipasaun feto iha Parlamentu Federál UEA ne’ebé hetan pursentu singnifikativu hanesan ho Timor Leste.
TVET-Mídia PR
