Riyadh, Arabia Saudita, 20 Outubru 2023.
Prezidente J. Ramos Horta Timor-Leste ko’alia iha Simeira ASEAN-GCC iha Riyadh, hodi ko’alia liu kona-ba Timor-Leste nia aspirasaun atu tama ba ASEAN. Xefe Estadu hato’o nia agradesementu ba resesaun di’ak husi Arabia Saudita. Prezidente Repúblika esplika kona-ba área prinsipál sira ba Timor-Leste nia envolvimentu:
Kooperasaun Polítika no Seguransa: Timor-Leste ninia objetivu mak atu hetan koñesimentu kona-ba polítika rejionál.
Kooperasaun Ekonómika: Buka oportunidade atu aumenta komérsiu no investimentu ho GCC no membru ASEAN sira.
Agrikultura no Seguransa Ai-han: Investimentu públiku iha área hirak-ne’e sai nu’udar prioridade ida.
Enerjia: Dezenvolve kampu Gas Greater Sunrise no projetu Tasi-Mane nu’udar objetivu boot liu.
Turizmu: Haforsa setór turizmu liu husi kolaborasaun ho GCC no ASEAN.
Kooperasaun Sosiál-Kulturál: Haforsa relasaun kulturál no kontaktu ema-ba-povu.
Konetividade: Akordu Servisu Aereu ho membru ASEAN no nasaun GCC sira ne’ebé hili ona ho objetivu atu hakbesik nasaun sira.
Prezidente Ramos Horta mós hato’o preokupasaun kona-ba kestaun Myanmar no Gaza, ne’ebé aliña ho pozisaun ASEAN no Indonezia nian. Xefe Estadu termina nia diskursu subliña importánsia husi kooperasaun internasionál iha ámbitu ASEAN-GCC.
Discurso Completo Em inglês: https://bit.ly/46Bo16M
