Reportajen : Ezequiel Neves husi Lisboa
Lisboa, 21 Outubro 2023 – Organizasaun g7+ realiza Konferensia Estadu frájil datoluk nian iha Lisboa-Portugal (20/10) ho tematiku Dezafiu global nia impaktu ba estadu konflitu hodi ko’alia foka liu ba pontus tolu importante mak hanesan, paz no seguransa, desenvolvimentu ekonomiku no mudansa klimatika. Dehan Helder da Costa, Sekretariu Jeral g7+ ba Jornalista tve-t 20/10.
Iha konferensia Estadu frájil datoluk nee Primeiru Ministru Xanana Gusmao halo intervensaun iha enseramentu ho rezumu ne’ebe komplesivu ko’alia konaba bolu atensaun ba komunidade internasional atu kontinua nafatin aposta iha prevensaun konflitu, mal-nutrisaun, paz, multilaterismu nomos sei investe iha sustentasaun paz hodi nune’e bele investe nafatin diálogu rekonsiliasaun no mos fiar nafatin lideransa sira iha kada nasaun nune’e kontinua nafatin hala’o dezenvolvementu ba Nasaun ne’ebe sustantavel.
“Konferensia konaba frazilidade estadu ohin halo iha inseramentu ita nia Primeiru Ministro Kayrala Xanana Gusmão halo intervensaun durante 20 minitus liu husi zoom meeting online husi Dili Timor-Leste mai konferensista sira iha Lisboa no apela konaba modalidade logo mekanismu konaba orden internasional tenki iha enkuadramentu foun ida hodi bele ajuda Nasaun frazil ne’ebe agora dadaun afetadu husi konflitu barak” Dehan Helder.
Iha konferensia ne’e Ministro Defeza Pedro Klamar Fuik elabora konaba Timor-Leste nia inisiativa halo adezaun ba Asean, involvilmentu iha organizasaun g⁷±, nasaun bilatarais no multilaterais iha rejiaun Indo pasifiku.
“Iha seasaun altu nivel kona ba paz no seguransa ita nia Ministro Defeza Pedro Klamar Fuik, ho eiz Ministro Defeza Portugal ho meritus seluk sira ohin halo painel ida koalia konaba paz no seguransa li-liu bloku ida hanaran jogu polítiku ne’ebe akontese dadaun nomeadamente situasaun izmolika ne’ebe afeta dadauk funu iha Ukrania, Palestina, inklui mos rejiaun Indo-China no Thailand, dalaruma bele kria mos pontesia diskusaun entre China ho Estado Unidos Amerika ne’ebe iha implikasaun paz no seguransa iha nivel rejional no global”, Tenik Helder
Helder esplika kle’an, konferensia Estadu frájil iha sesaun ida ko’alia konaba dezenvolvementu ekonomiku liga ba situasaun ne’ebe agora hamlaha iha rai barak tanba seguransa alementar kauza husi krize funu Ukrania no krize pandemia, ne’ebe afeta ba fornesementu alementar ba nasaun frajil.
HARE TOPIKU ATUAL, Reportajen Husi Lisboa Portugal
