Reportajen Jornalista, Madalena Reis
Tve-t, Dili (24-10-2023) – Tais nu’udar parte importante ida tanba hanesan tradisaun patrimoniu no mos eransa kultural ne’ebe hatutan husi jerasaun ba jerasaun Taís la’os deit arte ida maibe mos nu’udar Eransa kultural ne’ebe hatutan husi jerasaun ba jerasaun, Dehan Filipus Nino Pereira, Ministru Komersiu No Industria iha nia deskuru, workshop Grupo soru tais 14 munisipiu iha salaun Nobre MNEK
Nino Pereira hateten Tais mos bele hametin timor nia ekonomia liu-liu inan feton sira ne’ebe dedika sira nia an liu husi sira nia kreatividade hanesan soru Taís hodi hetan rasik rendimentu nune’e parte governo liu husi MKI mos finaliza ona esbosu kodigu propriedade ministerial ne’ebe koalia mos kona ba marka no dezenu Taís, nune’e bele fo biban atu desenvolve diak liu tan tais ba mundu internasional.
Programa Workshop realiza husi Governu liu husi Sekretariu Estadu Arte no Kultura hamutuk ho parseiru internasional hanesan Timor Aid no Unesco (24/10) ba grupu soru tais husi munisipiu 14 hodi konvida peritus internasional sira hodi fahe esperensia ba soru nain timor oan nune’e bele halo mudansa diak liu ba tais ne’ebe soru iha rai laran.
Notisia Ne’ebe Iha Relasaun
