REPORTAJEN, ANA ROSARIA, DA SILVA.
TVE-T,Dili – Kandidatu xefe Suku Komoro Postu Administrativu Dom Aleixo, Deolindo Fernandes hateten eleitu sai xefe suku nia sei tutur nia misaun no vizaun hodi realiza nia programa sira hodi kria paz no estabilidade iha suku laran espesialmente tau matan ba inan feto faluk, oan kiak sira no ema ho difisiensia sira, dehan ba Jornalista (28/10)
Deolindo informa sei tau atensaun ba asuntu edukasaun ne’ebe sei servisu hamutuk ho parte kompetente ligadu edukasaun formal no naun formal liu-liu fo formasaun ba foinsa’e sira atu sai joven kreativu nune’e bele kompete iha kampu trabalho.
“ Ita tenke servisu hamutuk ho parte kompetente sira ne’ebe mak ligadu ho edukasaun formal ho naun formal nian, hanesan fo formasaun ba ita nia joven sira hodi sai joven ne’ebe mak kreativu atu nune’e bele kompete iha kampu traballu sira nian,Tanba ida ne’e ita tenke kria formasaun iha sede suku sira atu joven sira bele tuir formasaun hodi nune’e joven sira sai joven ne’ebe mak kreativu no sai joven ne’ebe matenek atu bele servi fila fali povu no suku , tenik Deolindo
Deolindo hateten liu tan katak nia iha preokupasaun kona ba problema komunidade nian mak la asesu bee mos, nia promete sei tau matan ba asuntu ne’e
“Hau hanoin hau mos laos ema foun ba komunidade sira iha suku 30 de Agustu nian maibe antes ne’e hau mos sai hanesan Xefe Aldeia iha suku ba iha suku 30 de Agustu ninian, hau hatene problema no preokupasaun komuidade sira nian liu liu problema bee mos karik hili hau xefe suku laos hanai hau maibe atu servi hau nia komunidade liu-liu tau matan ba preokupasaun sira. Hakotu Nia
