Reportajen : Madalena Reis
Fuiloro – tvet : 09 Novembro 2023
Colegio Dom Bosco Fuiloro realiza seminariu ba foinsae sira hodi komemora tinan 75 prezensa Salesiana Dom Bosco iha Fuiloro – Lospalos (1948-2023) ho topiku tolu importante mak hanesan Joven Ba Navigasaun Dijital, Fiar no Kultura no Joven ba familia no mundo ohin loron, dehan Padre Zolino da Costa, SDB
Zolino esplika lalaok joven sira iha mundo agora liga ba topiku tolu mak hanesan Primeiru, jovem no navigasaun dijital iha neba esplika kona ba oinsa jovem sira nia utilizasaun dijital ka navigasun dijital, sira hili liu aspetu positivu hodi tulun sira atu sai ema ne’ebe diak iha futuru atu partisipa iha desenvolvimentu nasaun, sai futuru ba uma kreda.
Segundu , Fiar no Kultura, katak iha Timor iha aspeitu rua ne’e kahur malu maka’as los, ne’e hanaran sinkretismo ne’e katak, dader ba misa maibe fila ba uma ita ba tur fali iha fatuk no ai nia leten halo kultura sira, iha ne’ebe uluk bei-ala sira introduz ona mai ita antes misionariu sira lori religiaun tama iha Timor, maibe wainhira ita ema sai ona kristaun katolika nia konsekuensia radikal ne’ebe kada sarani tenke foti desijaun atu sai desipulu kristaun ne’ebe radikal katak, hau hakarak duni tuir Jesus katak buat hotu ne’e husik ba kotuk, buat sira ne’ebe la uza iha ita nia vida kristaun nudar sarani ne’e, tenke iha brani, tenke sakrifika an. ne’ebe tuir kristaun nudar sarani ne’e iha previleju lubuk ida, previleju divino no mandano, maibe iha mos konsekuensia tamba ne’e tenke brani atu husik buat balu.
Terseiru Joven iha familia no mundu ohin loron nian, ne’e koalia kona ba ransu livre ne’ebe ohin loron maka’as tamba iha utilizasaun liberdade ne’ebe sira simu, entaun dalabarak sira asesu, no tama iha grupu ne’ebe sira hakarak no lori sira ba dalan aat mos maibe tanba hakarak hola parte mos entaun sira mos sei kontinua tuir dalan ne’ebe lalos.
