Palásiu Prezidensiál Nicolao Lobato, 14 Novembru 2023
Prezidente J. Ramos-Horta hala’o sorumutu ho Vise-Primeiru-Ministru Francisco Kalbuadi Lay ohin hodi diskute Forum Negosiu Internasional ne’ebé sei organiza husi Ministru Koordenasaun Asuntus Ekonomikus iha loron 23-25 novembru 2023, no progresu adezaun Timor-Leste nian ba Organizasaun Mundiál Komersiu (OMK).
Vise-Primeiru-Ministru informa ba Prezidente katak prosesu adezaun ba OMK remata ona no hein hela aprovasaun husi Konsellu Ministrus no ratifikasaun husi Parlamentu. Bainhira aprova tiha ona, dokumentu adezaun sira-ne’e sei lori ba Prezidente hodi halo promulgasaun.
Forum Negosiu Internasionál hein katak sei dada partisipante barak husi mundu tomak, inklui lider emprezariál sira, investidór sira, no ofisiál governu sira. Forum ne’e sei fornese plataforma ida ba empreza timoroan sira atu hatudu sira-nia produtu no servisu ba parseiru internasionál potensiál sira no atu esplora oportunidade ba investimentu no komérsiu.
Forum ne’e organiza hela iha kolaborasaun besik ho Kamára Komérsiu Timor-Leste. Forum ne’e sei sai hanesan oportunidade ida-ne’ebé di’ak tebes atu promove Timor-Leste nu’udar destinu investimentu ida-ne’ebé atrativu, no adezaun ba OMK sei ajuda hasa’e kreximentu no dezenvolvimentu ekonómiku nasaun nian.
TVET & Mídia PR
