Jornalista:Lidia Amaral
TVE-T,Dili 04/01/2024 – Komandante PNTL Munisipiu Dili Superintendente Xefe Polisia Orlando Gomes hateten, Situasaun iha loron selebrasaun festeza natal no tinan foun la’o ho di’ak tebes tamba hetan kontribuisaun husi sidadaun sira hodi kria paz no estabilidade
“Iha loron 01 fulan janeiru tinan 2024 ita nia sidadaun sira ne’ebe mak halo paseiu ba iha tasi situasaun la’o normal tamba ita nia membro PNTL ho mos F-FDTL,Xefe Nasional, Makikit Munisipiu Dili nian hetan apoio mos husi komando unidade rua unidade nasional polisia no Unidade polisia maritima hodi halo patroleamentu masimu ba ita nia sidadaun sira ne’ebe mak halo paseiu ba iha tasi la’o ho kontrolu ne’ebe mak di’ak tebes,”Dehan Komandante Munisipiu Dili ba jornalista sira iha edifisiu Komandu Dili.
Alende ne’e, komadante mos agradese ba sidadaun sira ne’ebe paseiu uza motorista fo kontribui paz no estabilidade nune’e la hamosu asidente no problema bainhira iha loron 01 fulan janeiru sidadaun sira halo paseiu ba iha tasi.
Entertanto husi loron 31 fulan Dezembro tinan 2023 to’o loron 01 fulan Janeiru tinan 2024 kazu ne’ebe akontese hanesan,kazu asaltu malu hamutuk 14, kazu trafiku, prende motorista hamutuk 68 inklui motorista ne’ebe uza kanu resin hamutuk 10.
