Jornalista : Madalena Reis.
TVe-t, Díli 04 Janeiru 2024 – Hafoin simu pose iha loron 01 Julho 2023, durante fulan ne’en no loron 120, Governu konsentra makaas liu hodi hadi’a legislativu sira no deskute hodi lori programa no Orsamentu Jerál Estadu (OJE) 2024 nian ne’ebé Presidente Republika Horta rasik promulga ona ho montante millaun rihun US$ 1,95.
Nune’e Primeiru Ministru Kay Rala Xanana Gusmão informa, tinan 2024 nu’udar tinan ba IX Governu Konstitisionál atu hahú implementa programa no hala’o dezenvolvimentu iha Timor-Leste.
Xefe Governu esplika, bainhira membru governu sira hala’o servisu la masimu bele troka iha dalan klaran, tanba kargu membru governu ne’ebé povu fó fiar atu hadia nasaun no povu nia moris.
“Ha’u dehan ba presidente agora mak foin hahu, orsamentu jeral estado (OJE) 2024 promulga ona, governo iha fulan ne’en hadi’a uma laran agora mak governo tenke prepara an atu ezekuta programa ne’ebe Sira husu Atu tau osan tamba Hau dehan ba ministro no ministra Sira, ilha Fulan marsu na oin Hau sei lao buka hare kada Ministério halo saída no na se maka lá halo Nia funsaun sei Duni sai Tamba Povu hili Atu halo buat ruma ba Rai ne’e”,informa Primeiro Ministru Kay Rala Xanana Gusmão, hafoin hala’o enkontru semanál ho Prezidente Repúblika, José Ramos-Horta iha Palasiu Prezidensiál, Dili Kinta feira 04/01.
Xanana argumenta avaliasaun dezempeñu ba servisu membru governu sira nian, durante fulan neen nia laran, membru governu sira idak-idak sei fokus de’it ba servisu hodi intala sistema servisu no hadia jestaun administrasaun iha liña ministérial no instituisaun estadu nian tuir politika IX Governu Konstitusionál.
