Asesu UNTL-IPB Tenke Atinji Valor Masimu 46
TVE-t, Dili (08/01/2024) – Ministru Ensinu Superior Ciensia Cultura, Jose Onorio da Costa Pereira Geronimo, hafoin partisipa programa lansamentu ba koreksaun ba valores estudante sira hateten estudante sira ne’ebe sei asesu ba Universidade Nasional Timor Lorosa’e no Instituto Politeknika Betanu tenki atinji valores masimu 46 Tamba UNTL-IPB ne’e hanesan Instituisaun Estado (08/01).
Tuir Gerenimo katak durante nee komunidade sira tau kestaun ba aasesu UNTL-IPB tanba ne’e iha tinan 2024 estudante sira ne’ebe sei asesu UNTL – IPB tenki atinji valor maximu 46 ba leten
“Iha futuru hakarak aposta ba iha kualidade universidade nian tamba ba ema ne’ebe mak hakarak atu tama iha instituisaun estadu nian hanesan UNTL no IPB tenke iha abilidade,ho ida ne’e husu ba tekniku sira atu servisu ho di’ak no vigor,kumpri ba regulamentu ne’ebe mak diak, ita nia estudante sira ne’ebe atu asesu ba UNTL no IPB ema ne’ebe mak iha konhesimentu no valor ne’ebe mak priense ona kriteria ne’ebe mak fo sai husi Ministerio kompostu ba hirak ne’ebe mak simu estudante foun,”Dehan MESCC Jose Honorio Da Costa Pereira Geronimo.
Jose Honorio informa liu tan valor masimu ne’ebe mak asesu ba iha UNTL no IPB mak 46 valores ne’e iha direitu hodi asesu ba iha UNTL no IPB nune’e iha tinan oin mai sei hasa’e tan valores ba 47 ba leten,ho ida ne’e tamba hakrak aposta ba iha kualidade ba estudante sira ne’ebe mak hakarak asesu ba iha UNTL instituisaun estadu nian hakarak estudante sira tenki aproveita ho diak nune’e bele kontribui ba rekursus humanu iha Timor Leste.
