Reportajen:Lidia Amaral
TVE-t, Dili:(09/01/2024) Komandante Munisipiu Dili Superintendente Xefe Polisia Orlando Gomes hateten,mosu konfrontu iha Ai-tarak laran Aldeia anin fuik suku kampu alor Potu Administrativu Dom Aleixu PNTL Kaptura suspeitu hamutuk nain 15.
“Iha loron 07 fulan janeiru 2024 mosu konfrontu iha Ai-tarak laran Aldeian Anin Fuik Suku Kampu Alor madrugada tuku 4.00 otl mosu konfrontu husi grupo sira tuda malu tamba la satisfaz ho kompetisaun perjepiu ne’ebe mak realiza iha Palasiu Presidensial Ai-tarak laran Dili,” Dehan Komandante Munisipiu Dili.
Hafoin mosu konfrontu entre grupo sira parte seguransa Polisia Nasional Timor-Leste tun direita hodi halo atuasaun ba grupo sira ne’ebe mak kria konfrontu iha Ai-tarak laran, Anin Fuik Kampu Alor,PNTL halo kapturasaun ba joven sira hamutuk 20 no halo identifikasaun ba joven sira konsege hetan nain 15 ne’ebe mak involve iha konfrontu ne’e.
No Krime ne’ebe mak joven sira halo ne’e mak hanesan,Obstrusaun Autoridade Publiku tamba tuda fatuk hasoru membru polisia sira ne’ebe mak atu atualiza konfrontu ne’ebe mak akontese iha Ai-tarak laran,ho ida ne’e PNTL halo kapturasaun no halo identifiksaun ba iha prosesu hodi hatama ba iha sela laran durante oras 2 nune’e aprejenta ona ba Ministerio Publiku hodi halo primeira interogatoriu.
Entertantu Suspeitu hirak ne’e halo agresaun hasoru polisia sira maibe polisia konsege halo kapturasaun ba joven sira ne’ebe mak halo agresaun hasoru membro Polisia.Husi akontesementu konfrontu ne’e fo rezulta ba komunidade sira nia sasan balun hetan estragus hanesan portaun no odamatan
