Reportajen:Lidia Amaral
TVE-t,Dili : (15/01/2024) Konsellu Ministru hala’o sorumutuk iha Palásiu Governu,Hodi aprova projetu Dekretu Governu, ne’ebé aprezenta husi Ministra Finansas, kona-ba Ezekusaun Orsamentu Jerál Estadu ba tinan 2024, ne’ebé aprova husi Lei n. 21/2023, loron 27 fulan-dezembru.
Projetu dekretu governu aprejenta husi Ministra Financas Santina Jose Rodrigues F.Viegas Cardoso objetivu atu estabelese regras kona-ba ezekusaun orsamentu jeral estadu ba tinan 2024.
Nune’e sei konklui halo mudansa ba desentralizasaun funsaun pagamentu, ho servisu no entidade hotu ne’ebé ho autonomia finanseira alargada ne’ebé asume hodi halo ninia pagamentu rasik, ho exesaun pagamentu remunerasaun sira, ne’ebé kontinua halo husi diresaun jerál tezouru,mudansa ida-ne’e sei permite diresaun jerál tezouru konsentra iha atribuisaun jestaun tezouraria no monitorizasaun ezekusaun orsamentál nian, ne’ebé nu’udar melloria kualitativa importante ida iha jestaun finansas públikas, (15/01).
Diploma ne’e mós halo ajuste ki’ik iha prosedimentu ezekusaun orsamentál nian, tuir revizaun ba Lei n. 2/2022, loron 10 fulan-fevereiru, liuliu kona-ba alterasaun orsamentál.
Alende ne’e Konsellu Ministrus aprova projetu Rezolusaun Governu, ne’ebé aprezenta husi Vise-Ministra solidariedade Sosiál no Inkluzaun Céu Brites, kona-ba Ezonerasaun Longuinhos Armando S. I. Leto husi kargu Prezidente Konsellu Administrasaun Institutu Nasionál Seguransa Sosiál, tanba ne’e, mós Prezidente Konsellu Fundu Rezerva Seguransa Sosiál.
