Reportajen : Madalena Reis
Tve-t, Segunda-feira 29-01-2024 Díli – Liu husi Deklarasaun politika representante povu husi Bankada KHUNTO iha uma Fukun Parlamentu Nasional relasiona ho seitor Justica ligadu ne’ebe ho Prizaun Becora, Prizaun Gleno no Prizaun Covalima
Tuir dadus husi Dirasaun DNSPRS katak, presionariu sira prizaun Becora total 432, dadus kondenado 347, dadur preventive 85, prizaun Gleno dadur hamutuk 107,mesak dadur kondenando no prizaun Covalima, dadur hamutuk 105, dadur kondenadu 87 e dadur preventive18. Total husi prizaun Tolu hamutuk 644 inklui ona feto mane,ema estrangeiru no dadur juvenil.
Deputadu Bankada Opozisaun António Verdial de Sousa hatete, Ho dadus hirak ne’e Governu persiza, hari’i fatin rasik ba feto sira no sentru detensaun ba foin-sa’e sira, Hari’i fatin prizional foun, hodi bele fasilita prizioneiru nune’e ho Saudavel, Prepara Mediku ne’ebe kualifikadu hodi fo asistensia psikolójika ba ema dadur sira, hadia planu nasional ida atu hare ema ne’ebe iha saude mental, tanba dadur balun mos iha hela saude mental.
Hametin edukasaun la’os-formal, alfabetizasaun no hala’o treinamentu vokasional ba ema-dadur sira, liu husi promosaun ba sertifikasaun ka akreditasaun ba kursu atu bele hala’o reintegrasaun ida ho susesu wainhira sira reintregra fali iha komunidade ka familia
Aumenta fasilidade transporte ba guarda prisionariu sira hodi tula dadur wainhira iha notifikasaun apresenta dadur iha tribunal
Tanba ne’e mak rekomenda ba governu, atu reativa fila fali prisão Weberek Alas Manufahi, atu nune’e iha orientasaun oinsá ita nia prisioneirus sira labele han toba de’it, ho nune’e reativasaun ba Prisão Weberek Prisioneirus sira bele aprende servisu oinsá halo toos hodi hatene ke rai, kuda aihan no bele halo kolleta, no labele aprende deit kustura no tein iha prizaun laran maibe mos aprende servisu fisiku nian.
