Reportajen: Sidonio Caet
Tve-t, Segunda – Feira (12/02/2024): Dili – Relasióna ho Asaun Pasifiku husi manorin kontratadu sira, hasoru Ministeriu Edukasaun Dulce De Jesus iha edifisiu Ministeriu Edukasaun Vila Verde, nune’e Polisia Nasionál Timor-Leste (PNTL) halo kaptuprasaun ba manorin na’in sia (9) inklui porta voz Agustinho Pintu.
kauza ne’e mosu tanba Manorin sira kontinua halo Manifestasaun iha Edifisiu Ministeriu Edukasaun ne’e tanba Ministeriu Edukasaun ne’e rasik seidauk iha solusaun ba Profesor sira, tanba ME deklara ona katak nia la rekonsenese professor kontratadu hirak ne’e.
Relasiona ho kapturasaun ne’e Profesor Paulo De Jesus Magno Hateten, nia parte la menta no asaun PNTL sira nian.
“ Ami hanesan Profesor Kontratadu 2023 no 2022 ne’ebe mak ohin ami nia kolega balun hetan kapturasaun nune’e ameasaun ne’ebe mak ami halo tanba ohin loron mak ami bele hetan kapturasaun, tanba ne’e ami la menta Tebtebes ba iha asaun kapturasaun ne’e”.hateten Profesor Paulo De Jesus Magno iha Jardin 5 de maiu Dili (12/02).
Profesor ne’e hateten, durante ne’e asaun ne’ebe mak sira halo bazeia tuir karta ezizensia hodi Miniateriu edukasaun bele fo solusaun, maske durante ne’e manorin sira hato’o sira nia karta Audensia sira maibe Ministeriu Edukasaun nafatin la konsidera nune’e mak mestre sira la menta no halo asaun hirak ne’e.
Manorin ne’e hatutan tan katak asaun kapturasaun ne’e, konsidera hanesan viola direito liberdade espresaun profesores sira nian.
“ Kapturasaun ne’e signifika asaun ne’e tenta ami hanesan ema sidadaun ne’e ami la menta tebes, oinsa mak ami bele sai hanesan sidadaun ida laiha liberdade atu hato’o nia opiniaun bazeia ba Direto ne’ebe mak ami iha “. Nia hateten.
Tanba ne’e maske mestri servisu hanesan Kontratadu tinan barak ona no foin iha VIII konstituisional mak halo kontratu maibe infelismente iha XI Guverno ne’e mai ho Politika ida hodi hapara sira no la Rekonese.
Relasiona ho konfrontu ne’e Komandante PNTL Munisipal Dili Supretendente Xefi Orlando Gomes hateten, polisia kapturasaun tamba sira mai halo manifestasaun ne’ebe la halo Koordenasaun ho PNTL, nune’e komandu konsidera manifestasaun ilegal ne’ebe viola lei manifestasaun numeru 1/2016 nian, no estraga moru Ministeiru Edukasaun ninian mês konsidera krimi hodi prosesa.
“ohin Ita halo kapturasaun ba Manifestante sira ne’ebe maka tenta obriga atu tama ba Edifisiu Ministeriu Edukasaun nian, tanba ne’e mak obin ita halo kapturasaun no agora daundaun ita lori ba ona iha komandu para ita bele kontinua halo halo prosesu” hateten Komandante PNTL Monisipal Dili Supretendente Xefi Orlando Gomes iha Edifisiu sentru formasaun Polisia Komoro Dili.
Komendante ne’e hatutan tan katak profesor sira halo Manifesta la iha konesimentu husi polisia molok halo manifestasaun no Konsidera hanesan manifesta ilegál no kontra lei numeru /2016.
Enkuantu Komandu halo kapturaun ne’e hamutuk Autór Nain Sanulu (10) kompostu husi feto Nain (4) no Mané Nain neen (6).
Entertantu komandu PNTL alerta mos katak sei la autoriza hodi halo manifestasaun ilegal, no laiha Konhesimentu husi komandu no Komando sei konsidera hanesan ililegal no sei la autorizasaun hodi halo Manifestasaun.
