Reportajen : Lidia Amaral
Tve-t,Quarta feira 14/02/2024 : Dili – Governu liu husi reuniaun Konsellu Ministru aprova projetu rezolusaun ne’ebe aprezenta husi Ministra Saude Elia Amaral Dos Reis kona ba planu integradu ba saude hetan ona aprovasaun
Objetivu husi Rezolusaun Governu nian ida ne’e atu hare programa oi-oin ne’ebé iha ona área saúde nian integra iha planu úniku ida, hodi fó kuidadu saúde primáriu, sekundáriu no tersiáriu ho forma koordenada no integrada, iha territóriu nasionál tomak, liu husi kriasaun mekanizmu sira ne’ebé asegura kobertura universál kuidadu saúde nian ne’ebé integrada no iha rejime proximidade nian, liu-liu iha áreas territóriu nasionál ne’ebé defisil atu asesu.
Planu Integradu ba Saúde ne’e ho objetivu atu kontribui hodi hadi’a servisu saúde nian, no asegura asesu ida ne’ebé jeneralizadu ba kuidadu sira ho kualidade, liuhusi maximiza esforsus hodi garante efisiénsia, tranparénsia no profisionalizmu iha jestaun rekursu finaseiru, umanu, materiál no lojistika, nune’e mós iha infraestrutura no ekipamentu sira saúde nian.
