Reportagem: Sidonio Caet
Tve-t Quarta-Feira 14/02/2024: Dili -Guverno liu husi Reniaun Konsellu Ministrus iha Tersa- feira semana ne’e halo Nomeasaun Ba Dulce Natividade da Cunha ho Solange de Fátima Borges nu’udár vogál ba Konsellu Adminstrasaun Institutu Nasionál Seguransa Sosiál, ba períodu tinan 2024 – 2026.
Projetu Rezolusaun ne’e aprezenta husi Ministra Solidariedade Sosiál no Inkluzaun (MSSI) Verónica das Dores no hetan Aprovasaun husi Guvernu liu husi Reniaun konsellu Ministru Tersa 13/02/2024.
Aliende ne’e Guverno nomea mos membru ne’ebé responsável ba solidariedade sosiál kompostu husi Sansão Gomes nu’udar reprezenta empregadór no Almério Vila Nova Gouveia nu’udar reprezenta traballadór Timor-Leste nian.
Portantu desizaun nomeasau ne’e, bazeia tuir formasaun, kapasidade téknika no esperiénsia ne’ebé presiza no iha kompeténsia ne’ebé hatudu hodi hala’o kargu refere.
