Reportajen : Lidia Amaral
Tve-t,sexta feira 16/02/2024 : Dili – Estudante Colegio São Miguel Arcanju hamutuk ho professor sira no media televizaun edukasaun timor hahu realiza atividades viasakra ba loron dahuluk nian hodi hanoin hikas jesus kristu nia terus no mate iha kruz.
Nu’udar tradisaun hanesan ema katolika iha kada tinan iha momentu ne’ebe mak importante lo’os alende iha tempu natal no tempu kuaresma nia laran no liu husi ita nia santa kreda fo mai ita iha loron sexta feira ita halo viasakra atu relembra fila fali jesus nia terus iha kruz,iha ne’eba mak ita nu’udar ema katolika ita nia salvasaun mai husi kruz.
Professor Manuel Dos Santos informa,Viasakra ne’e ho lian latin katak”caminho da cruz”no ho dalan ba kruz nian iha ne’e mak ita foin deskobre lolo’os ita katolika ninia vokasaun nia dalan ikus mak salvasaun,ita lahetan salvasaun iha fatin hotu-hotu maibe no hetan salvasaun mak bainhira ita hare ba jesus kristu nia terus,mate no kristu nia moris hias
“No la’os halo viasakra ba de’it iha jesus kristu nia mate maibe ita mos iha esperansa bo’ot mak atu hetan moris hias ne’ebe mak lori mai ita esperansa katak esperansa ne’ebe ita hetan hanesan mos jesus kristu nia moris hias,maibe dalan ikus mai ita hanesan ema katolika maka tenke liu husi dalan terus hanesan ho ita nain jesus kristu.Ita iha nasaun ida ne’ebe mak maioria iha 97% katolika hakarak hato’o ba ita nia estudante sira no komunidade sira hotu katak,nu’udar ema katolika ita nia vokasaun iha obrigasaun atu hanoin hikas fali ita nia “passadu de kristaun”liu-liu kristu ne’ebe mak fo oportunidade mai ita atu bele hetan salvasaun husu ita hotu keta haluha hodi halo viasakra durante jesus kristu nia terus hamutuk loron haat nulu nia laran,”Dehan Professor Manuel iha eskola CSMA raikotu Sesta-feira (16/02).
Enkuantu iha loron kuaresma ne’e professores hamutuk ho estudante husi eskola colegio sao minguel arkanju realiza viasakra dahuluk hodi hanoin hikas jesus kristu nia terus durante iha loron haat nulu nia laran hodi hatene katak ita sarani nia vokasaun salvasaun mak ita nia kruz.
