Reportagem: Sidonio Caet
Tve-t Sesta-feira 16/02/2024: Dili – Relasiona ho deklarasaun Depautada Olinda Guterres iha loron 13 fulan Fevereiru tinan 2024 Organizasaun Juventude Nasional(OJN), Konsidera viola Konstituisaun Partidu KHUNTO no laiha maturidade hodi reprezentativu partido KHUNTO Iha Parlamentu Nasional
Nune’e liu husi konferensia imprensa Organizasaun Juventude Nasiona (OJN) Partidu KUNTO husu Lider Supremo KHUNTO Jose Dos Santos “Naimori Bucar” halo demisaun ba Deputada Olinda Guterres.
Iha sira nia deklarasaun ne’e hateten, bainhira Depautada Olinda Guterres hetan konfiança husi Lider Supremo Partidu KHUNTO no Prezidente Partidu KHUNTO iha lejislasaun da lima (V) no da nên (VI), nu’udar deputada ne’ebé eleitu husi partidu Khunto maibe Depautada Olinda Guterres ohin loron nega no du’un matak no koko atu hadau Partidu Khunto husi Lider Supremo partidu Khunto atual inisiador no Fundar Uniko ba Partido khuto refere, tuir rezulusaun nú 18/KM-P-KHUNTO/3/2020 loron 7 fulan marsu segundu alterasaun estatutu partidu Khunto 2015, tha artigu 15.
“Ami husi organizasaun juventude nasional partido Khunto rezeita no kondena makas ba deklasarasaun Depautada Olinda Guterres nian iha plenaria uma fukun parlamentu nasional, tamba deputada Olinda Outerres la intende no la koprende estatutu partidu Khunto relasiona ho nomeasaun xefe bankada iha parlamentu nasional tuir artigu 16-F, numeru 2 katak “xefe bankada Hetan nomeasaun husi Lider Supremo do partidu khunto” Ho razaun hirak neʼebé mensiona maka ami husi organizasaun joventude nasional partidu khunto ezizi ba konsellu Lideransa Superior partidu Khunto Atu halo Demisaun”. deskreve iha Komunikadu Imprensa .
Nune’e mos OJN Partidu KHUNTO ezije ba Naimori no parte juridiku atu analiza klean Deklarasaun Deputada Refere .
“Husu ba parte juridiku Partidu Khunto niau bele halo análíza kle’an ba deklarasaun husi Deputada Olinda Guterres ne’ebé halo violasaun ba Estatutu partido khunto”.
Entertantu husi organizasaun Juventude Nasional Ne’e mos Lamenta ho deklarasaun Deputado Olinda Guterres ne’ebé mensiona katak KORK mak konese Naimori no Povu konese Olinda, atu dehan lolos katak iha loron 21 fulan Novembru Tinan 2015 liu husi Kongresso Nasional partido Khunto iha CNE lalini larigutu, iha altura ne’eba Olinda lahetan konfiansa husi kogresista sira, ho ida ne’e maka Olinda halai sai husi kongressu tamba lahetan konfiansa husi konresista sira, ho fuan boot lider supremo nomeia direitamente Olinda Guterres hodi asumi kna’arr nudar 3 vice Presidente Partido khunto iha altura ne’eba, tamba ne’e mak ami organizasaun juventude nasional partido khunto konsidera deklasaun Olinda Guterres ne’e Falsa no lalos.
“Husu ba milintantes no simpatizante no juventude partido khunto territorio Timor laran tomak katak nafatin mantein no obedese ba ita nia partido Khunto hodi lori vitoria ba futuru partido khunto hodi kontribui moris diak ba povu no nasaun”
Aliende ne’e mos OJN Husu ba koordenador munisipio 13 inklui RAEOA ba organizasaun filliadas partido KHUNTO hamrik hodi defende nafatin partido no halo deklarasaun kontra Deputada Olinda Guterres.
Nune’e mos nafatin sujere ba lider supreme do partidu KHUNTO Naimori Bukar hodi toma desizaun emidiata hodi fo demisaun ba Deputada refere.
