Reportajen : Madalena Reis
Tve-t, Sesta-feira 16-02-2024 Dili – Atual Embaxador designado Timor-Leste ba Singapura Alex Tilman hato’o agradese ba Estadu no Governu ne’ebe fo konfiansa hodi sai hanesan Embaxador hodi representa Nasaun Timor-Leste iha Singapura ho mandatu ba periodu 2024- 2026, hodi hametin di’ak liu tan relasaun bilateral ho Singapura.
“Ohin hasoru malu ho Presidente República tamba Segunda Feira agora ha’u viajem ona ba Singapura hodi hala’o knar hanesan Embaxador iha neba, nebe ohin nee Hau Mai hasoru Prezidente no agrdese mos ba Primeiru Ministru ba konfiansa ne’ebe fo Mai Hau atu representa Ita Nia Pais iha Singapura. No MOS atu rona husi Ita nia presidente rasik Kona ba Ita Nia prioridade iha singapura saída Mak Ita Nia misaun presisa halo, atu apoiu Ita nia desenvolvimento”, Dehan Embaxador Timor-Leste ba Singapura Alex Tilman iha Palasio Presidensial Bairo Pite Díli, (16/02).
Nia hatutan, nu’udar Embaixador foun kontinua esforsu hodi hetan fiar no apoiu nafatin husi Singapura ba Timor-Leste nia prosesu adere ba ASEAN
“Ida maka atu hametin ita nia relasaun diak ho Singapura, tamba hanesan Paiz ida importante iha regiaun ida ne’e ligasaun internasional Ita Hateke Singapura hanesan Paiz Ida ne’ebe Sucesu husi nasaun ne’ebe kiak halo tranzisaun ba nasaun ne’ebe riku teb-tebes ho populasaun Ida iha edukasaun aas nune’e saída mak ita atu bele aprende husiSira no koalia ho Sira atu bele hetan Tan no oinsa bele lao iha dalan nebê hanesan ho Sira. Ida tan mak ita nia prosesu adejaun ba ASEAN tenke Kontinua nafatin esforsu ho Singapura atu ita koalia ho Sira atu Ita Nia prosesu né bele lao ho Diak nune’e mos iha kooperasaun Sira atu Sira bele apoiu nafatin Ita ba iha prosesu adezaun ba asean no bainhira sai ona Membru ho sasan Sira ne’ebe presija fo nu’udar Membru Estadu, Liliu hanesan iha Kestaun ekonomika hanehan kooperasaun ekonomika ho Singapura, diskusaun Kona na trabalhador Sira ne’ebe atu ba iha ne’eba nune’e mos koalia Kona ba Ita nia sidadaun Sira ne’ebe maka iha Singapura halo tratamento saúde oinsa Mak Ita bele apoiu Sira”, Tilman Salienta.
Embaxador ne’e mos kompromete, sei hare liu kona ba investimento ne’ebe mak atu mai investe iha ida nasaun sempre loke dalan, bainhira iha oportunidade ne’e investor sira sempre mai investe.
“agora Ita Nia misaun iha ne’eba saída mak ita bele hato’o ba investor Sira konese Kona ba lei saída mak ita iha ni ambiente investimento né oinsa nune’e Sira bele hatene. Hau sente Ita Nia embaxadora sesante halo buat hotu ne’ebe Ita presija halo iha neba, nune’e Hau ba atu kontinua saída Mak embaxadora halo Tiha ona Tamba misaun ilha Singapura Laos foun iha neba tinan hira ona Hau sente buat foun ne’ebe atu mosu Mai Mak esforsu ho governu Singapura atu Loke Sira Nia embaxada iha Timor-Leste”, Nia dehan.
