Reportajen : Madalena Reis
Tve-t, Segunda-feira 19 Fevereiru 2024 Dili – Prezidente Repúblika José Ramos Horta simu karta kredensial husi Embaixadór Naun-rezidente sira husi nasaun sanulu-resin-ida iha Palásiu Prezidensiál Nicolau Lobato, 19-02-2024.
Serimónia Prezidensiál ne’e formaliza relasaun diplomátika entre Timor-Leste no nasaun sira mak hanesan: Repúblika Arab Ejitu, Kanada, Dinamarka, Repúblika Helenika (Grece), Repúblika Islamista Iran, Repúblika Islamika Pakistaun, Reinu Kamboja, Repúblika Demokratika Povu Laos, Repúblika Demokratika Povu Algeria, Repúblika Afrika Sul no Suesia.
Timor-Leste nu’udar estadu soberanu independente, hametin amizade no kooperasaun iha nivel globál no rejionál ne’e imperativu ba Timor-Leste. Iha estabelesimentu kanál diplomátiku foun sira ne’e sssssloke dalan atu hasa’e kolaborasaun polítika, ekonómika, sosiál no kulturál ba benefísiu ba malu husi nasaun hotu-hotu ne’ebé envolve.
Embaixadór naun-rezidente sira husi nasaun sanulu-resin-ida ne’ebé aprezenta sira-nia kredensiál hanesan, Yasser Hassan Farag Elshemy, Embaixadór Estraordináriu no Plenipotensiáriu Repúblika Arab Ejitu ne’ebé rezidénsia iha Jakarta – Indonesia;
Jess Dutton, Embaixadóra Estraordinária no Plenipotensiária Kanada nian ne’ebé rezidénsia iha Jakarta – Indonesia;
Sten Frimodt Nielsen, Embaixadór Estraordináriu no Plenipotensiariu Dinamarka, rezidénsia iha Jakarta – Indonesia;
Georgios Dogoritis, Embaixadór Estraordináriu no Plenipotensiáriu Repúblika Hellenic (Grece) ne’ebé rezidénsia iha Singapura;
Mohammad Boroujerdi, Embaixadór Estraordináriu no Plenipotensiáriu Repúblika Islamika Iran ne’ebé rezidénsia iha Jakarta – Indonesia;
Ameer Khurram Rathore, Embaixadór Estraordináriu no Plenipotensiáriu Repúblika Islamika Pakistaun ne’ebé rezidénsia iha Jakarta – Indonesia.
Tean Samnang, Embaixadór Estraordináriu no Plenipotensiáriu Reinu Kamboja nian ne’ebé rezidénsia iha Jakarta – Indonesia.
Khamfeuang Phanthaxay, Embaixadór Estraordináriu no Plenipotensiáriu Repúblika Demokratika Povu La’o ne’ebé rezidénsia iha Jakarta – Indonesia.
Nor Eddine Benfreha, Embaixadóra Estraordináriu no Plenipotensiáriu Repúblika Demokratika Povu Algeria ne’ebé rezidénsia iha Canberra – Australia.
Mpetjane Kgaogelo Lekgoro, Embaixadór Estraordináriu no Plenipotensiáriu Repúblika Afrika Sul ne’ebé rezidénsia iha Jakarta – Indonesia.
Daniel blockert, Embaixadór Estraordináriu no Plenipotensiáriu Suesia ne’ebé rezidénsia iha Jakarta – Indonesia.
Entertantu iha serimónia ne’e ko’alia liu kona-ba Timor-Leste nia perfíl internasionál ne’ebé aumenta no dezenvolvimentu relasaun diplomátika ho nasaun sira iha mundu tomak hahu kedas restaurasaun independénsia iha 2002.
