Reportajen : Lidia Amaral
Tve-t,Terxa feira 20/02/2024 : Dili – Diretora Jerál Banku Dezenvolvimentu Aziatiku (ADB), Stefania Dina reafirma sei apoiu ba dezenvolvimentu infraestrutura iha Timor-Leste.
Diretór Jerál ADB Departmentu Regionál Sudeste Àsiatku, Winfried Wickllein informa katak, ninia vizita mai Timor-Leste alende hasoru xefe governu hodi introdus sira nia apoiu no nia vizita ne’e atu haree klaru liután progresu kooperasaun servisu sira ne’ebé ADB implementa hamutuk ho governu Timor-Leste.
“Ohin loron ha’u mai iha ne’e hodi hala’o diskusaun ho parseiru sira iha governu no banku dezenvolvimentu aziatiku hodi suporta dezenvolvimentu iha Timor-Leste no Primeiro Ministro Xanana agradese tebes banku dezenvolvimentu aziatiku iha area barak ba iha dezenvolvimentu infraestrutura baziku sira inklui ekonomia no area propriedade seluk sira,” informa Diretór Jerál ADB, Winfried Wickllein ba jornalista, hafoin enkontru ho PM Xanana iha Palasio Governu (19/02).
Durante ne’e, ADB mós kontinua kapasita funsionáriu estadu nian iha área polítika aprovizionamentu, planeamentu estratéjiku ba aprovizionamentu, padraun dokumentus tenderizasaun, rekrutamentu konsultór no jestaun kontratu no seluk tan.
Entertantu Primeiru-Ministru Kay Rala Xanana Gusmão agradese tebes ba apoiu fundus hosi ADB hodi tulun no hadia dezenvolvimentu iha Timor-Leste iha setór oin-oin.
