Reportagem: Sidonio Caet
Tve-t Tersa-Feira 20/02/2024: -Dili Autoridade Protesaun Civil (APC), Segunda-Feira ne’e realiza Konferensia Imprensia hodi anunsiu Resultadu dezastre naturais durante semana ida nia laran, ne’ebé komunidade sira afeita hamutuk 127 inklui ema ida mate tanba mout iha mota.
Diretor Autoridade Protesaun Civil (APC) Cesário Da Silva Marques Relata katak dezastre naturais ba semana ida nia laran, hahu husi loron 13/02/2024 to’o 19/02/2024 ne’ebé komunidade sira afeita no Dadus ne’ebe mak APC Regista Kompostu husi Monisipiu 12 inklui RAEAO.
“Hahu iha loron 13 – 19 Fevereiro 2024 Durante Semana ida ne’e, iha rejiaun Timor-Leste normal no akontese tipu dezastre maka CNOPC-APC rejistu uma hamutuk Xefi famílias 127 mak hetan estragus ho liu-liu iha Munisipiu sira hanesan tuir mai ne,e Municipiu Baucau (Anin sobu 10), Munisipiu Bobonaro (Rai Halai 2.) Municipiu Covalima (Anin Sobu Uma 76 Ahi han 8), Municipiu Dili Anin sobu ida no bee sae 9, Municipiu Manufahi (Anin Sobu 2), RAEOA (Anin Sobu 2) labarik ida Mate tanba mout iha mota, Municipiu Viqueque (Anin Sobu 5) Municipiu Liquisa (Anin Sobu 6) Municipiu Manatutu (Anin sobu Uma 4 ahi han 1 no Rai halai 1),Comando APC Munisipiu ho Parseirus Relevante fornese asistensia emerjensia ba família afetadus sira mak hanesan Ai-han no laos Ai-han (food item & Non-food Item).” Hateten Cesário Da Silva Marques iha Salaun APC Caicoli Dili.
Tanba ne’e Komando Operasional Autoridade Protesaun Sivil (APC) Munisipiu sira sei kontinua halo hela levantamentu detaillus kona-ba sasan ne’ebe estragus no lakon.
Diertor ne’e Hateten Autoridade Protesaun Civil(APC) prepara ona fatin atu halo Responde bainhira iha Inundasaun hodi halo evakuasaun ba familia vitima sira ne’ebe hetan inundasaun ka Desastre, no bainhira udan para mak hafoin koloka fali ba fatin.
“Autoridade Protesaun Civil (APC), provisoriamente ba APC iha kada Munisípiu sira hotu atu halo rejista no husu ba parseiru sira fó apoiu emergensia asistensia ba família sira ne’ebé afetadu iha Munisípiu, hodi nune’e mak Protesaun Sivil rejista hela nia prosesu sira né’e kada semenal iha Grect no partilla hela iha publiku atu fó atensaun hela ba sidadaun” Afirma Diretor APC Cesário Da Silva Marques iha Caicoli.
Tanba ne’e Autoridade Protesaun Civil (APC) liu husi diretor geral protesaun sivil apela ba komunidade sira katak bainhira tempu udan hadook an husi fatin risku dezastre sira liu hirak ne’e ne’ebe hela besik iha mota ninin no kuidadu labarik iha keta halimar iha tempu udan.
