Reportajen : Madalena Reis
Tve-t, Tersa-feira 20-02-2024 Díli – Prezidente Repúblika (PR) José Ramos Horta hato’o parabéns ba Prezidente eleitu Republika Indonézia (RI) Prabowo Subianto ho nia vice Presidênsial Gibran Rakabuming ba periodu 2024-2028, ne’ebe manan iha eleisaun prezidensial ho pursentu 58.62.
“Ha’u ko’alia ho Prabowo Subianto Prezidente Repúblika eleitu no fó parabens ba nia eleisaun, eleisaun land slight manán iha primeira ronde kedas, ami na’in rua ko’alia, nia kontente ho ha’u nia telefone. Ha’u konvida Prezidente Repúblika eleitu atu mai vizita Timor Leste, nia hatete, nia hakarak mai duni antes karik nia ingaurasaun haree bainhira, nia mós ha’u konvida ha’u ba vizita Indonézia, ami rua komitmentu atu kontinua nafatin relasaun di’ak Timor Leste ho Indonézia”, dehan Prezidente Repúblika José Ramos iha Palalsio Presidensial Bairo Pite, Segunda-feira (20/02).
Horta mos konsidera, Prabowo Subianto hanesan ema ida koñese di’ak Timor Leste, no nia iha sentimentu di’ak ba Nasaun ne’e.
“Nia mós haruka komprimentus ba Maun bo’ot Xanana ne’ebé nia koñese, ha’u fiar katak ho nia relasaun ne’ebé di’ak tiha ona ho Prezidente Jokowi Dodo ho Prezidente sira seluk uluk, sira hotu-hotu kontribu maka’as ho Prezidente, Primeiru Ministru iha Timor atu relasaun entre rai rua ne’e ezemplar ka di’ak”,Horta Dehan.
Hafoin Timor-Leste restaura independensia iha 20 de maio 2002 too mai agora Relasaun entre Timor Leste ho Indonesia la’o diak. Indonesia mos sai hanesan Nasaun ida ne’ebe suporta maka’as Timor Leste hodi adere ASEAN.
