Reportajen : Lidia Amaral
Tve-t,Terxa feira 20/02/2024 : Dili – Koordenadór Komisaun Zona Ekonómia Sosiál Merkadu Timor-Leste (ZEESM-TL), João Mendes Gonçalves hala’o enkontru ho Primeiru-Ministru, Kay Rala Xanana Gusmão hodi relata progresu servisu no aprezenta planu servisu atu hala’o dezenvolvimentu la’o balansu iha Rejiaun Administrativa Espesial Oecusse Ambeno (RAEOA).
João Mendes Gonçalves informa katak, estrutura Zona Ekonómia Sosiál Merkadu Timor-Leste (ZEESM-TL) kontinua hamutuk ho Prezidente Autoridade Rejiaun Administrativa Espesiál Oé-Cusse Ambeno (RAEOA), Rogério de Fátima Tiago Lobato hala’o ona ekontru ho autoridade no entidades parseiru dezenvolvimentu sira hodi deskute planu servisu ne’ebé sei envolve ema hotu- hotu ninia partisipasaun.
“Wainhira ami halo tiha relatorio eatadu rejiaun nian mak ami bele prepara planu dezenvolvimentu ba Oe-cusse nian.Molok ne’e sei prepara enkuadrementu legal hodi estabelese entidade juridika ida ne’ebe mak sei kaer dezenvolvimentu ekonomiku Oe-cusse nian hodi troka Zona ekonomiku especial merkadu social(ZEESM),”Dehan João Mendes Gonçalves iha Palasiu Governu, Dili.
Eis Ministru Ekonomia hatutan, hafoin simu pose iha loron 31 Janeiru 2024, ekipa hala’o kedas enkontru rutina hodi halo planu no deskute enkuadramente legál sira.
“Ha’u nia planu dahuluk mak sei halo relatorio estadu rejiaun nian hodi hare situasaun atual saida mak halo tiha ona hodi nune’e planu saida mak presija halao tan ba iha futuru dezenvolvimentu RAEOA nian, Bainhira prepara tiha planu no enkuadramentu, ho tán prozesaun orsamentál hodi lori mai Primeiru-Ministru hodi aprezenta ba Konsellu Ministru”tehnik nia.
Dadaun Koordenadór ho Autoridade RAEOA lideradu Prezidente Autoridade, Rogério Lobato hala’o ona reuniaun ho Lideransa Komunitáriu sira, setór privadu no Organizaun La’ós Governu balun iha Oé-cusse, alende ne’e ho parseiru dezenvolvimentu hodi serbisu hamutuk.
“Hakarak hari sistema ida servisu hamutuk ho parseiru dezenvolvimentu ne’ebe autoridade mak iha poder desizaun no kontrola ba apoio ne’ebe sira sei kria unidade koordenasaun ida hamutuk hodi nune’e kada fulan tolu iha reuniaun hodi hare progresu servisu no kria matriz ida hodi bele kontrola di’ak liu tan apoio sira husi parseiru dezenvolvimentu hodi evita duplikasaun servisu sobre pozisaun projetu,”nia informa.
Entretantu, ekipa ZEESM-TL sei halo hela preparasaun hodi halo rekrutamentu tanba servisu espesífiku hodi prepara planu dezenvolvimentu, enkuadramentu servisu no projesaun orsamentu presiza barak liu mak tékniku profesionál, péritu iha área setoriál hanesan pekuária, infraestrutura, sosiál, edukasaun, saúde nomós área temátika hanesan rekursu umanu ne’ebé sei rekruta iha tempu besik.
Kona-ba orsamentu sei depende ba orsamentu RAEOA nian, ne’e duni RAEOA sei fó apoia Administrativu no lojístika. Kona-ba resposta hosi PM Xanana nian, João informa katak, xefe governu kontinua suporta servisu no hein katak, iha tempu besik ekipa bele aprezenta programa ba Konsellu-Ministru hodi haree.
