Reportagem: Sidonio Caet
Tve-t Tersa-feira 20/02/2024 Dili – Relasiona ho Ingresu Espesial ba eis-professores kontratadus tinan 2023 ne’ebe sai polemika iha publika, tanba ne’e Ministeriu Edukasaun liu husi Ganinete Ministeriu Edukasaun Filipe Rogriges Pereira klarifika katak implementasaun Ingresu Espesial nu’udar politika VIII Governu nian, ne’ebe hatu’ur iha Dekretu-Lei Nu. 31/2023, 31 de Maiu.
Maibe Iha Dezembru tinan 2023, Ministeriu Edukasaun halo ona ingresu espesial ba 4.600 ítal professores kontratadus tamba prienxe kriterius tuir artigu 11, Dekretu-Lei 31/2023.
“Infelizmente, eis-profesores kontratadus tinan 2023 (1.499 pesoas) labele tama ba ingresu espesial tamba la prienxe kriteriu, sira la iha ultimu avaliasaun dezempenhu tinan 2021 ka 2022 nian ne’ebe rejistadu iha SIGAP (Sistema Integradu Gestão Administrasaun Publika) – CFP” Gabinete Ministeriu Edukasaun Filife Rodrigues Pereira (19/02).
Procesu ingresu espesial ba eis-profesores kontratadu sira ne’e, Ministeriu Edukasaun mos bazeia ba Despacho husi Komisaun Funsaun Publika(CFP) iha 14 de Novembru 2023, Despacho ho numeru 12433/2023/CFP, ne’ebe asina husi presidente CFP, Faustino Cardoso Gomes, Tanba ne’e iha despacho refere determina katak, eis-profesores kontratadu sira tenki aprezenta ultimu avaliasaun dezenpenhu husi tinan 2021 ka 2022 nian nu’udar mos kriteria ida atu tama ba ingresu espesial.
Nia afirma tan, Ingresso Especial ne’ebe Ministeriu Edukasaun halo ona iha Dezembru 2023 bazeia Dekretu-Lei nu 31/2023 31 Maiu, ne’ebe Viii Governo Aprova No Reforsa Mos Husi Despaixu Prezidente Comisaun hunsaun Públika, Faustino Cardoso Gomes iha 14 de Novembru 2023 ho Despacho 12433/2023/CFP .
Tanba ne’e Ministeriu Edukasaun mos husu aspetu hotu atu lalika obriga Ministériu Edukasaun atu viola lei ka regra ne’ebe iha ona.
“Husi aspetu humanu no sosial, Ministeriu Edukasaun kumpriende teb-tebes sentimentu, preokupasaun no opiniaun sıra husi parte hotu ligadu ho ingresu espesial ba eis-profesores kontratradu sira, maibe Ministériu Edukasaun mos hakarak husu ba parte hotu, Labele Obriga Ministériu Edukasaun Atu Viola Leika Regra sıra iha rai doben Timor-Leste” nia dehan.
Alende ne’e mos Ministeriu Edukasaun husu mos atu eis-dirijente Ministeriu Edukasaun Juventude Desportu (MEJD), husi VIII Guvernu atu bele esplika ho di’ak no lolos kona-ba politika VIII Governu nian, ne’ebe hatu’ur iha Dekretu-lei Nu 31/2023 kona-ba Estatatu Kareina Desente liu liga ho art. 11 kona-ba Islaok lomak ingresu espesial ba profesores kontradu 2023, Tamba sa mak Dekretu-Lei 31/2023, 31 de Maio la akomoda eis-profesores Kontratadus 2023 ba ingresu espesial.
