Reportajen : Lidia Amaral
Tve-t,Terxa feira 20/02/2024 : Dili – Primeiru-Ministru Kay Rala Xanana Gusmão, simu vizita Primeiru Konsileiru Fransa, Laurent Legodec hodi introdus komprimisiu sira nian hodi ajuda prosesu dezenvolvimentu Timor-Leste.
Primeiru-Ministru Xanana agradese tebes, tanba durante ne’e Fransa apoia mós diversifikasaun ekonómia nasaun liu husi Kompañia Fransa nian hanesan Bolloré Logistin International ne’ebé harii ninia sukursal iha nasaun 100 liu inklui sukursal Bolloré Logistics Timor-Leste ho SDV Timor-Leste ne’ebé konstrui Portu Portu Tibar.
Konsileiru Fransa Laurent Legodec sente orgullu bele halo diskusaun ho Primeiru Ministru Kay Rala Xanana Gusmão nu’udar lider rezidensia ne’ebé iha esperiénsia klean fahe ba rai laran no rai liur.
“Ami ko’alia konaba situasaun atual Timor-Leste nian ba dezenvolvimentu nasaun nian ami mos ko’alia ligadu ho relasaun entre nasaun rua nian, oinsa Franca bele apoia dezenvolvimentu Timor nian iha parte saida de’it mak Timor-Leste Persija,”informa konselleru Franca Laurent ba jornalista sira iha palasiu Governo.
Fransa Laurent informa, Governu Fransa sei kontinua hametin kooperasaun ne’ebé rai rua estabelese durante ne’e no Fransa no Timor-Leste iha pozisaun hanesan kontra funu ne’ebé akontes entre Rusia no Ukrania no Israel no Hamas.
“Ita nia nasaun rua iha valor demokrasia ne’ebe hanesan.Ami apoia sistema multilateral iha kontestu internasional ne’ebe dadauk ne’e hasoru hela problemaezemplu mak hanesan nasaun Rusia ba Ukraina mundu ne’ebe ita hela ba komplikadu tebes nune’e ita tenke hamutuk hodi hasoru hamutuk ho am8li Franca diak katak importante tebes iha parseiru hanesan Timor ne’ebe lokalizaiha area Indo-Pasifiku,”nia informa.
Kona-ba área espesífiku ne’ebé Fransa hakarak apoia formasaun ba funsionáriu liu-liu ba feto no diplomata Timoroan sira iha lingua Fransa nian, iha mós projetu balun ba agroekonomia, agroekologia, no sistema rekursu bee-moos.
