Reportagem:Sidonio Caet
Tve-t, Dili (Kuarta-Feira 21/02/2024) – Ministeriu Defesa (MD) Donaciano Do Rosário Gomes “Pedru Klamar Fuik”, iha Tersa-Feira ne’e hasoru malu ho Embaixador Pakistaun, hodi hafosa amizade iha Area Defeza nian entre Nasaun Timor-Leste ho Pakistaun.
Ministeriu Defeza (MD) Donaciano Do Rosario Gomes “Pedru Klamar Fuik” hateten, Prejensa Embaixador ne’e atu hametin ligasaun no amizade no esplora area sira ne’ebe hodi bele fo asitensia ba iha kuadru koperasaun nian.
“Senhor Embaixador mai atu bele mante ligazaun no amizade, ne’ebe mak ita iha ho sira no sira iha ho ita no esplora areas ne’ebe maka sira bele fo asistensia iha kuadru koperasaun ne’ebe mak bele manten nafatin liagasaun Timor-Leste ho Pakistaun”, Dehan Pedro Klamar Fuik iha kuartel jeral fatuhada (20/02).
Iha visita ne’e mos halo Diskuti mos kona-ba Amizade entre forsa Nasaun Pakistaun nian, ne’ebe halo iha tempu Kolonizasaun ne’ebe halo servisu diak iha nasaun Timor-Leste, di’ak tebes liu-liu iha área Engineria nian no Area Komunikasaun inklui mos ba area ne’ebe mak ita bele servisu hamutuk ho nasaun Pakistaun.
Aleinde iha Enkontru entre Embaixador Nasaun Pakistaun ho Ministeriu Defesa ne’e mos kolia mos ho pontu importante balun liu liu iha Amizade entre nasaun rua ne’e no kolia mos kona-ba pakistaun nia iha Tempu kolonial.
Tanba ne’e Ministeriu Defesa ne’e mos sailenta Timor-Leste mos hakarak mante ho Paz atu nune’e iha Futuru mos Forsa husi Timor-Leste mos bele Kontribui ba iha Paz Mudial nian.
Iha fatin hanesan Embaixador Pakistaun Ameer Khurram Rathore hateten, Pakistaun Mos halo ona identifikasaun ba área sira balun ne’ebe mak presija kolabirasaun no atu haklean liu tan Amizade entre nasaun rua ne’e.
“Ministru ne’e ohin identifika ona área balun ne’ebé nia buka atu kolabora ho Pakistaun no ha’u kontente tebes atu ajuda no governu Pakistaun sei kontente tebes atu hakle’an liután relasaun iha área sira ne’ebé Ministru ne’e haree kona-ba nia ministériu”. Hateten Embaixador Pakistaun Ameer Khurram Rathore iha Kuartel Jeral Fatuhada.
Embaixadaor ne’e haklean liu tan katak ha’u rasik haree kolaborasaun ne’ebé di’ak tebes entre Forsa Defeza no Ministeriu Defeza Pakistaun no mós gimmick.
Tanba nasaun Pakistaun sira mos hala’o kontribuisaun durante dekade hirak uluk nian molok independénsia doméstika no nune’e Pakistaun manten relasaun di’ak ho Timor-Leste.
