Reportagem: Sidonio Caet
Tve-t Dili, Segunda – Feira (26/02/2024) -Embaixador Australia iha Timor-Leste Caitlin Wilson hala’o enkontru ho Primeiru Ministru Kay Rala Xanana Gusmão, hodi atualiza ajenda vizita xefe Governu ba Austrália atu parsipa iha Simeira ASEAN ba dala 50 iha Melbourne Australia.
Xefe Governu sei partisipa simeira Australiá Asosiasaun Nasaun Sudeste Aziátiku (ASEAN), iha Melbourne-Austrália, durante loron tolu hahu husi loron 4 to’o loron 6 marsu 2024.
Embaixador Australia iha Timor-Leste Caitlin Wilson hateten, Reniaun ho PM Xanane ne’e ati atualiza aejnda ba preparasaun Semeiru Asosiasaun Nasaun Sudeste Aziátiku (ASEAN) ne’ebe sei relaiza iha Melbourne Nasaun Vizinu Australia.
“Ha’u mai hasoru Primeiru-Ministru, Kay Rala Xanana Gusmão hodi atualiza preparasaun ba semeira ASEAN Austrália nian ne’ebé sei hala’o iha semana-oin durante loron tolu sei partisipa hosi entidade oin-oin no no simeira ne’e sei ko’alia kona-ba futuru rejiaun sudeste Aziátiku, iha pás no prósperu”, informa Embaixadora Caitlin ba jornalista, hafoin enkontru ho PM iha Palásiu Governu.
Embaixadora subliña, Austrália kontente tebes hodi konvida Timor-Leste no nasaun membru ASEAN hodi partisipa iha atividade internasionál ne’e
Nia hateten Nasaun Austrália kontente hodi fó bem-vindu ba Xanana Gusmão nu’udar Primeiru-Ministru hala’o vizita dahuluk ba Austrália, iha ámbitu atividade internasionál.
Embaixador ne’e esplika Antes ne’e iha Xefe Governu, Xanana hasoru malu ho Primeiru-Ministru Austrália, Anthony Albanese simeira Austrália ASEAN ba dala-tolu ne’ebé hala’o iha Jakarta, Indonézia, loron 7 fulan-setembru tinan 2023 hodi ko’alia kona-ba kooperasaun rai rua nian.
Xefe Governu Xanana dehan, Timor-Leste no Austrália sei kontinua servisu hamutuk nu’udar pais vijiñu.
“Hanesan viziñu besik ho Austrália no nasaun barak iha ASEAN,Timor- Lestefelisita parseria pozitiva entre ASEAN no ho Austrália,” hateten PM Xanana.
Guvernante ne’e hateten Austrália maka nu’udar kontribuidór prinsipál ida ba dezenvolvimentu konstrusaun Nasaun no Estadu Timor-Leste.
Xefe Governu agradese mós ba Austrália tanba fó ona oportunidade ba timoroan rihun barihun hodi hetan kompeténsia no esperiénsia serbisu nian iha Austrália, liu husi ninia programa serbisu.
Enkuantu tuir ajenda Xefe Governu ho ekipa sei desloka husi Timór-Leste iha loron 2 fulan Marsu no sei fila fali iha loron 7 fulan marsu Tinan ne’e.
