Reportagem : Sidonio Caet
Tve-t , Dili Quinta-Feira (29/02/2024) –Relasiona ho aktu pratika Fisíka Profesor ho inisial PDC hasoru Estudante inisial JWG iha Eskola Teknika Vokasional Bekora (ETVB), nune’e Ministeriu Edukasaun (ME) konsidera hanesan Krime Pùblika, tanba ne’e liu husi Komunikadu Imprensa katak Ministeriu Edukasaun halo ona karta sirkulasaun ida ba Komisaun Funsaun Públika (KFP) hodi husu halo Suspensaun proferesor ne’e ho Emediatamente.
Liu husi komunikadu Imprensa husi Ministeriu Edukasaun ne’ebe Tve-t Sita katak, aktu refere hanesan Krime Pùbliku tanba ne’e ME hasai ona karta sikurulasaun ba KFP atu halo Suspende.
“aktu ida ne’e hanesan Krime Pùbliku no Ministeriu Edukasaun sei halo ona karta sikurulasaun ba Komisaun Funsaun Pùblika atu halo Suspensaun Emadiata” hateten Porta voz Filipe Rogrigues iha salaun Enkontru Ministeriu Edukasaun Vila verde.
Porta voz ne’e haklean, karta ne’ebe mak Ministeriu Edukasaun haruka ba iha Komisaun Funsaun Publika (KFP) hanesan karta pedidu Ida atu husu hodi halo Suspensaun Profesor Emediate, tanba Ispesaun Geral Ministriu Edukasaun laiha Kompetesia, nune’e atu Kompetensia ne’ebe bele suspende Profesor refere maka Komisaun Funsaun Pùblika (KFP) bazeia tuir sira nia rezultadu Investigasaun sira .
Enkuantu ba nia durasaun supensaun professor refere Tuir Ministeriu Edukasaun Depende ba Iha Komisaun Funsaun Pùblika nia tanba KFP mak iha Kompetensia atu halo Suspensaun.
“ita hein Prosesu Investigasaun funsaun Pùblika nian,atu husu ba nia durasaun suspende Tinan Hira ne’e depende investigasaun Komisaun Funsaun Públika maibe ita husu atu hapara lai hodi hein prosesu tuir mai”hateten Porta voz.
Tanba Ministeriu Edukasaun Husu ba Manorin sira atu lalika Repete tan aktu hirak ne’e iha Futuru liu-liu iha Eskola sira iha Minisipiu sira iha Dili no Monisipiu sira seluk iha Timor laran tomak nune’e mos nia ME mos husu ba parte hotu atu hamutum hodu kontribui hodi tane a’as Edukasaun ne’ebe mak di’ak liu ba Estudante sira.
Diretor Eskola Teknika Vokasional Bekora (ETVB) Felisiano de Almeida Belo hateten, Eskola la iha razaun seluk tanba ne’e eskola koopera de’it hodi prosesu tuir lei ne’ebe mak iha.
“ida ne’e hau la bele fo komentariu naruk, tanba ida ne’e bazeia tuir lei saida mak ami nia Superior fo sai ona iha média liu Konferensia Imprensa iha Ministeriu Edukasaun nia, tanba ne’e Eskola laiha Iha Razaun seluk tanba ba ne’e nia prosesu lao nafatin tuir lei ne’ebe mak iha” hateten Diretor Eskola Teknika Vokasional Bekora (ETVB) Felisiano de Almeida Belo iha nia Knaar fatin.
Diretor ne’e afirma, liu husi kazu ne’e Ministeriu Edukasaun Konsidera hanesan Krime Tanba ne’e eskola refere liu liu diresaun eskola nian sei Kumpri lao tuir prosesu ka hodi hein saida mak akontese iha tempu oin mai.
Tanba tuir kronologia ne’ebe mak Diretor Eskola Tekniku Vokasional Bekora ne’e haktuir katak, Bazeia tuir Investigasaun Husi diresaun Eslektor ETVB nia identifika katak,liu husi estundante sira hatete katak, profesor fo hela lisaun iha alunus balun halo Barullu tanba ne’e mak halo profesor ne’e emosaun sa’e no bolu duni estudante ne’e hodi halo Agregasaun fizika hanesan mos video ne’ebe mak espailla ne’e.
Entertantu Diretor eskola ne’e fundamenta relasiona ho halo Suspensaun ba Professor refere tanba bazeia tuir Regulamentu nu’udar Funsionariu Públika nian no tenke simu nian.
