Reportajen : Madalena Reis
Tve-t, Díli Kinta-feira (29-02-2024) – Relasiona ho vizita Sua Santidade Papa Fransisco nian mai Timor-leste, maka Nuno Governu Konstitusional liu husi reuniaun estraordinariu konsellu Ministru delibera ona atu autoriza despeza to’o montante dolar Amerikanu Millaun 12 husi fundu kontijensia ba Komisaun altu nível institusional, hodi organiza atividade Preparasaun ba vizita Papa Francisco nian.
Entertantu iha eventu lubuk ne’ebé sei akontese iha vizita Papa Fransisco nian, no antes ne’e Representante Santasé husi Roma halo ona reuniaun barak ho ekipa Governu nian, ho Ministériu oin-oin ne’ebé lideradu husi Primeiru Ministru. Alende ne’e Governu Timor-Leste halo ona oioin hanesan infraestrutura no seluk tan
Iha vizita Santu Padre Papa Francisco nian ne’e, nia hakarak koñese besik liu povu Timor no iha domin boot bá Timoroan sira no bá nasaun ida-ne’e. Ho nune’e Papa Francisco iha espetativa no ho ksolok prepara nia vizita.
Papa Fransisco sei vizita Timor-Leste iha fulan agostu tinan ne’e, enkuantu kona ba data seidauk fiksu, tamba sei iha hela diskusaun entre Governu no parte igreja nian hafoin sei anunsiu ba publiku.
