Reportagen : Sidonio Caet
Tve-t, Díli Sesta-feira (01-03-2024) –Relasiona ho kazu Soe bebe iha Mota Aldeia Opleogu, Suku Holsa Munisipiu Bobonaru, maka Polisia Nasional Timor-leste (PNTL) liu husi Departamentu Investigasaun Kriminal (DIK) deklara, dadaun ne’e komando PNTL Bobonaro halo Hela Investigasaun no Asegura ona Autor ne’ebe deskonfia inan husi bebe iha sala detensaun PNTL Munisipiu Bobonaro.
“Komando PNTL Munisipiu Bobonaru identifika ona bebe nia inan ne’ebe mak nia soe no agora halo Hela prosesu identifikasaun husi komando PNTL”, Hateten Xefi Departamentu Investigasaun Kriminal PNTL Superintendente Polisia João Belo Dos Reis, Liu husi konferensia imprensa (01/02).
Xefe Departementu DIK ne’e Informa, nia parte simu ona informasaun husi Komandu munisipiu Bobonaru no dadaun né’e mos isin mate husi bebe ne’e trasporta ona mai Ospital Nasional Guido Valadares( HNGV ) hodi halo prosesu Autópsia nune’e bele hatene lolos kauza husi soe Bebe refere.
“Ami simu ona informasaun husi komandu PNTL Bobonaru Depois bebe Nia mate Isin ne’e lori ona Mai ospital nasional halo ona Autopsia depois sei lori fila”, Nia sailenta.
Nia salienta, atu hatene motivasaun kazu Soe bebe ne’e DIK hein hela tanba sei iha nia prosesu investigasaun maka hafoin hatene motiviasaun kazu refere.
Nia Hatutan Tan katak komesa ona halo identifikasaun no PNTL bolu ona autor no asesu iha komandu PNTL munisipiu Bobonaru hodi hodi halo deklasaun hodi halo Investigasaun kle’an.
“Komesa horseik Sira halo ona identifikasaun Tanba ne’e Sira bolu ona autor ba iha komandu bobonaru atu foti nia deklarasaun no sei halo Investigasaun kle’an ba bebe Nia aman husi see no inan husi se, ne’e Ita hein resultadu husi Investigasaun”. Hateten Nia.
Entertantu husi komandu Polisia Nasional Timor-Leste to’o agora sedauk hetan informsaun kle’an husi motivasaun kazu refere, tanba sei iha prosesu identifikasaun no Investigasaun, ho nune’e Komando PNTL Bobonaru kontinua buka tuir.
