Reportajen : Sidonio Caet
Tve Dili, Tersa-feira (05/03/2024) – Sekretariu Estadu Comunikasaun Sosial (SECOMS) Expeditu Loro Dias Ximenes iha Tersa-Feira ne’e Vizita ofisial Televisaun Edukasaun Timor hodi Haree hikas Situasaun Estasiunamentu TVE-T ho kolegiu são Miguel ne’ebe hetan afetadu husi alargamentu Estrada nasional Rotunda Nikolau Lobatu Komoro Tasi tolu.
Iha visita Sekretariu Estadu Comunikasaun Sosial (SECOMS), ho Objetivu atu haree direta situasau Televisaun edukasaun Timor TVE-T nia komdisaun sira inklui mos kolegiu são Miguel Ancanjo nian.
“ ohin mai Vizita Estasaun Tekevisaun Edukasaun Timor (TVE-T) atu haree besik liu tan sira nia kondisaun Televisaun ne’ebe durante ne’e iha no hau sente Ksolok mos tebes tanba Hasoru malu ho sira” hateten Sekretariu Estadu Komunikasaun Sosial Expeditu loro dias Ximenes iha Estasaun TVE-T rai Kotuk.
Enkuantu Guvernante ne’e mos halo Esplikasaun ba Programa Nonu Guverno Konstituisional nian liu-liu Liga estrada ne’ebe mak afeta metru balun Studio Estasaun TVE nian no Eskola Nian.
Nia Esplika Guvernu loke estrada ne’e mos hodi fo benefisiu liu iha Publiku tanba situasaun hirak ne’e ba iha Interese Publiku no nasional nian, tanba sente hanesan interese nasional nune’e tenke halo.
Alende liu husi Okupasaun Guverno Ba colegiu ne’e mos Guverno sei halo kompensasaun ba Rai ne’ebe afetadu no Sei entrega mos Rai hodi harii Eskola Kolegiu foun.
“ TVE durante ne’e produz ona jovens ne’ebe ho koalidade iha area komunikasaun Sosial, barak mos profusaun husi TVE oras ne’e namkari iha Televisaun Seluk no mos iha Instuisuan Guverno nian” Hateten SEKOMS.
Iha fatin hanesan Fundador Televisaun Edukasaun Timor no Kolegiu São Miguel Arcanjo Armindu Crisna Caitano afirma, nia sente kontenti ho Sekretariu Estadu Komunikasaun Sosial ne’ebe mai haree direta situasaun TVE nia Kolegiu ne’e rasik.
“ Ha’u kontenti tanba liu husi Nonu Guvernu Konstituisional liu husi Sekretariu Estadu Komunikasaun Sosial (SEKOMS) knua matenek kolejiu são Miguel Arcanjo ho estasaun Televisaun Edukasaun Timor (TVE-T) hau kontenti tanba bele mai hares direta situsaun ne’ebe mak akontese” hateten Fundador Televisaun Edukasaun Timor no Kolegiu São Miguel Arcanjo Armindu Crisna Caitano iha Estasaun Tve.
Fundador ne’e hatutan, visita ne’e hanesan hatudu Sentimentu Solidariedade ba Timor oan ho ida ne’e mak sente kontenti hodi haree kondisaun di’ak.
Entretantu iha Tempu badak Guverno sei oferese rai nune’e bele konstrui konstruasaun no Estasionamentu Televisaun Edukasaun atu prepara kondisaun ba foin sa’e sira iha Timor-Leste.
