Reportagem :Sidonio Caet
Tve-t Dili, Quarta-feira (06/03/2024) – Iha Kuarta-Feira dader ne’e Ró Turistiku Seabourn Sojour no Seabourn Odyssey Atraka iha Dili ho Turista Estranjeiru husi Nasaun sira Kontenente ,Amerika, Europa, Afrika,no Asia Hamutuk Rihun Ida Resin Vizita Timor Leste.
alende Turista hirak ne’e halo vizita iha nasaun Timor-Leste durante oras Walu (8) nia laran, hafoin iha loraik vizitante hirak ne’e Aranja fali husi Timor-Leste kintinua halo Viagem ba Nasaun Vizinu Indonesia no Ro sira ne’e sei atraka iha Kupang.
Ró Bo’ot Rua Naran Seabourn Sojour tula Turista hamutuk 354 Enkuantu Ro ida seluk ho naran Seabourn Odyssey ne’ebe tula Pasajeiru ka Turista hamutuk 450 no crew ema nain 390 Resin, ne’ebé Husi Diresaun Australia Mai Timor Leste.
Relasiona ho Prejensa Turista hirak ne’e Diretora Nasional Marketing Turismo no Relasaun Internasional, Ivania Ross Ximenes Goncalves hateten Turista sira ne’e Vizita Timor-Leste ho sira nia obejetivu hodi haree fatin Turistiku, Sitio Relijiosu no Fatin Historiku sira iha Kapital Díli no iklui iha Munisípiu Ermera.
“Prejensa Ró ne’e Turista hirak ne’e sira mai husi Australia atu ba Kupang Indonezia ,entaun sira hakarak mai liu husi iha ne’e hodi Vizita ita nia Rai ,total Turista sira ne’e hamutik rihun ida.” Hateten Diretora Nasional De Marketing Truismo Relasaun Internasional Ivania Ross Ximenes Goncalves iha Portu Díli (06/03).
Diretora Nasional Marketing Turismo Relasaun Internasional ne’e esplika Turista sira ne’e sei hala’o Vizita ba fatin Turistiku iha Dili mak Hanesan, Dare Memorial, Muzeu rezisténsia, Chega Muzeum, Timor Plaza, Tais Market kolmera Cristo Rei no Tasi ibun Dolok oan, Semiterio Santa Kruz.
Entretantu Turista sira mós sei halo Vizita espesial ba Gleno Munispíu Ermera atu haree direta Prosesu Produsaun Kafe Timor nian.
Diretora Nasional ne’e fundamenta, vizitanye sira ne’e mai husi nasaun Internasional sira kompostu husi Estadus Unidos Amerika, Australia, Zelandia, alemanha, Austria, Xina, Canada,Reinu Unido, Nova, Indonézia, Singapura, Afrika do Sul no inklui mos nasaun sira seluk.
Nune’e Roo Turistiku rua ne’e foin primeira-vez mai Vizita Timor-Leste no tanba ne’e Durante Prezensa Turista sira ne’e iha Kapital, Hetan Seguransa Maxímu husi Polisia Nasional Timor Leste (PNTL), Hodi garante Seguransa ba Vizita Turista sira.
