Reportajen : Lidia Amaral
Tve-t, Sexta feira (08/03/2024) – Negosiante Sengol Bidau Akadiru hun realiza konferensia imprensa hodi hasoru governu relasiona ho hasai negosiante sira ho obrigatorio no seidauk iha kompesasaun ba negosiante sira no seidauk iha fatin fatin ne’ebe dignu ba negosiante sira.
Porta-voz Imakulada Afoan esplika,hato’o ba autoridade kompetente iha Governu atu buka solusaun Pasifiku ba muda vendedor sira. Nudar Timor oan, ne’ebe hotu – hotu na’in ba Rai ida ne’e, presiza promove dialogu no komunikasaun Saudavel, antes foti desizaun atu parte hotu fiian-ggpirasaun bele akomoda ho solusaun konjunta ne’ebe aseitavel.
“Liu husi meius komunikasaun ida ne’e, ami vendedores sira hakarak ami Hakarak husu ba autoridade competente sira atu tetu didi’ak antes foti Desizaun forsada ba muda ami vendedgr sira ba fatin ne’ebe Governu Prepara tanba iha potensia ba kria problema ba ami nian moris”,Dehan porta-voz Imakulada (08/03).
Representante Negosiante ne’e hato’o Pontu preokupasaun no sujestaun sira tuir mai :
- Ami husu ba Sekretariu de Estado Toponímia e Organizasaun Urbana (SEATOU) presiza iha koordenasaun didi’ak ho Ministeriu do komersiu no autoridadeMunisipiu Dili inklui rona ami vendedor sira nian lian hodi prepara fatin dignu no apropriadu ba ami Vendedor sira
- Ami husu ba parte kompetente atu bele reatifa fila fali merkadu Bekora, hadi’ak didi’ak ho kondisaun sira tuir standar merkadu nian, mak ami bele ba uza merkadu ne’eba hodi hala’o ami nian atividade vendas nian.
- Ami husu ba deputadu sira iha Parlamentu Nasional nudir reprezentante povu nian atu halo levantamentu dadus sira, liu husi rona ami nian preokupasaun sira hodi ajuda Governu no ami vendedaor sira hodi hetan solusaun di’ak ruma ne’ebe seim sakrifika ami nia moris
- Ami husu ba primeiru Ministru no ministru relevante sira atu ajuda haree didi’ak ho kle’an desizaun hirak ne’e, atu hasai desizaun ne’ebe apropriadu-iu no labele tau ami vendedar nian vida iha risku laran.
- Ami husu ba Sua exel€nsia prezidente da Republika atu ko’alia kona-ba asun nee ho Primeiru Ministru no Ministeriu relevante sira atu desizaun na prejudika ami nian rendimentu no ekonomia.
- Ami sujere atu Governu aprezenta opsaun balun ba merkadu, liu ida la’os hotu – hotu ba tama iha Manleuna atu evita konflitu iha futuru
- Husu Governu, liu -liu autoridade kofnpetente atu la ansi muda ami vendedar sira maibe presiza liu husi estudu no analiza ne’ebe apropriadu atu foti solusaun ne’ebe loos ba parte hotu
