Tve-t, Dili Segunda-Feira(18/03/2024) – Bankada opozisaun Kmanek Haburas Unidade Nasional Timor Oan (KHUNTO) Antonio Verdial husu ba governo hodi tau atensaun ba komunidade sira iha area remotas ne’ebe dadauk ne’e hasoru hela problema infraestrutura.
Deputadu nme’e esplika,iha Semana ida ne’e komunidade lubun bo’ot iha Munisipiu Ermera, hasoru hela Dezastre ne´ebe bo´ot tebes Kauza husi Udan no Anin ne´ebe bo´ot hodi hamosu Erosaun no Inundasaun iha Posto Administrativo Hatolia A, Suku hatolia Vila, Aldeia Simohei-Talo iha Dia: 14/03/2024 foin lalais, hodi rezulta dalan no ponte kotu.
Nune´e mos komunidade uma kain rua iha aldeia refere hetan dezastre husi Erosaun nebe kauza mai husi rai halai hodi fo impaktu ba uma komunidade nian, Ai-horis no Aihan iha To´os laran, iha loron ne’ebe hanesan akontese mos Erosaun ou Rai halai iha Posto Administrativo Ermera, Suku Ponilala Aldeia Sakoko, hodi rezulta mos komunidade nia Uma no Ai han ne´ebe kuda iha to’os.
Tinan-tinan Parlamento Nasional Aprova Orsamento Jeral nu´udar Ra´an ba Estado no Esperansa ba Povo Timor-leste, maibe Komunidade husi Aldeia Simohei ba to’o Suku Koliate Tinan ba Tinan sempre hasoru hela deit Problema estrada, sa tan tempu Koilleta Kafe sei akontese iha fulan Juinho to´o Agosto, hakarak ka lakohi obrigado iha Fulan Maio kada Tinan Komunidade tenke Tesi rasik Ai Samtuku hodi tau ba Ponte no Ke´e rasik estrada hodi bele transporta Sira nia produto Agrikultura sira inklui Kafe iha tempu bailoron.
Interligado ho Problema hirak ne’e Bankada KHUNTO hakarak husu ba Governo atu tau mos atenstaun ba estrada sira no halo Dezenvolvimento ba povo liu-liu Komunidade Agrikultor sira.
Relasiona ho Kauza hirak ne’e Bankada KHUNTO alerta ba Governasaun da Sia liu husi Ministerio Kompetente atu labele utiliza deit antena media ba situasaun hirak hanesan haktuir iha leten iha Kapital Dili, se bele tun direita mos ba iha Komunidade remotas sira hodi hare mos situasaun neebe povo hasoru ohin loron hanesan mos Komunidade sira hasoru iha Kapital Dili, tamba ne’e Bankada KHUNTO hatutan Povo Remotas nia lian hodi hatete katak keta halo diskriminasaun ba Povo remotas sira hodi halo movimentasaun deit iha Kapital Dili.
Populasaun husi Posto Administrativo Hatolia B, enfrenta mos problema Infraestrutura, Kompostu husi Suku Ha’at Mak hanesan Lisafat, Fatubolu, Mau-ubu no Urahou, agora dadaun besik ona tempu atu koilleta sira nia Kafe Maibe Estrada la favorese ba sira atu asesu mai Posto Administrativo no atu transporta komunidade nia produto agrikola sira hanesan Kafe no Modo hodi sustenta Ekonomia Familia no selu Oan ba Eskola, liu-liu Populasaun lobuk ida ne’ebe nia lokalizasaun besik Estrada ligasaun Suku Urahou ba Loes Munisipiu Bobonaro nian estrada Kuaze a’at total, hodi Prezudika mos inan Isin Rua no Moras sira susar tebes atu asesu ba Klinika ka Hospital no Dala Ruma mos inan isin Rua sira atu partus komunidade Obrigado leba ka hulan deit mak lori ba Hospital.
