Reportajen : Madalena Reis
Tve-t Dili, Kuarta-feira (20 Marsu 2024) – Presidente Republika Demokratika, Jose RamosHorta, hamutuk ho Enkaregadu Negésiu Embaixada EUA, Marc Weinstock lansa Agencia estadus Unidos ba Dezenvolvementu Internasional (USAID) nia projetu Avansa Sistema Ai-han no Nutrisaun (Avansa SAN) hodi promove Timor-Leste ninia sistéma ai-han hadiak nutrisaun no hametin seguransa ai-han iha nasaun laran tomak ho foku ba iha munisipiu Aileu, Ainaro, Dili no Ermera.
Iha diskursu enkaregadu Negosiu Embaixada EUA, Marc Weinstock hateten, Avansa SAN sei promove pratika agrikultura ne’ebé adapta ho klima, diversifikasaun aihoris, apoiu ba empreza ki’ik no média agroalimentar sira, kampafia iha nivel komunidade konaba diversidade ai-han no advokasia ba hahalok saudavel hodi hadiak nutrisaun ba ema hotu. Atividade ne’e sei fornese mos asisténsia espesial ba agrikultor skala ki’ik no feto, liu-liu ba inan isin rua no labarik ho tinan lima ba kraik, atu asegura asesu ba ai-han nutritivu.
“Atividade Avansa SAN ne’e, lansa iha tempu pertinente tamba hanesan kontinuisaun husi investimentu anterior Estadus Unidus nian iha setér agrikultura no inklui tan aspetu balun atu foo importansia ba urjensia kombate ma!nutrisaun, espesialmente ba inan-feton no labarik ho tinan lima ba ba kraik, ho foku atu hasa’e padraun nutrisaun no hadiak seguransa ai-han, Avansa SAN reflete objetivu dezenvolvimentu nasaun ne’e nian,” Enkaregadu Negosiu Embaixada EUA, Marc Weinstock hateten.
Estadus Unidus hakarak atu kontinua kolabora ho Governu Timor-Leste iha nivel nasional no lokal atu aselera fortalesimentu sistéma ai-han lokal. Avansa SAN sei implementa husi National Cooperative Business Association CLUSA International (NCBA CLUSA) ho kolaborasaun husi grupu agrikultor rua nulu resin hitu iha suku sanulu resin ha’at iha munisipiu ha’at. Ho servisu hamutuk, atividade ida ne’e sei harii aliserse ba progresu, prosperidade no hadiak nutrisaun ba ema hotu. Total orsamentu ba projetu ne’e maka millaun $15 duransaun ba tinan lima hahu husi fulan setembru tinan 2024 to’o 2028.
