Tve-t Dili, Kuarta-feira (21/03/2024) – Relasiona ho atividade grupu Arte marsiais no Arte rituais ne’ebe maka governu suspende ona iha fulan outobru tinan 2023, tamba kria beibeik problema entre grupu sira iha sosiedade nia leet. Ho nune’e IX Governu Konstitusional desidi kontinua suspende tan ba fulan neen.
Xefe Governu Kay Rala Xanana Gusmão hateten,Kona ba suspensaun arte marsiais nian ne’ebe iha abril ne’e seis meses ona, maibe Grupu arte marsial balun Kontinua kria problema, entaun deside iha Konsellu Ministrus (KM) Prezidente Komisaun Regulador Arte Marsiais (KRAM) fo hatene katak husi grupu hotu hotu kontente bele halo suspensaun ne’e maibe barak la konsege iha kontrolu ba membru sira, tamba ne’e suspende tan ba fulan neen.
“Kona ba suspensaun ba arte marsiais nian ne’ebe iha abril ne’e tama ba fulan neen ona, maibe ohin dader grupu arte marsial balun ba iha portu ataka fali neba enatun polisia kaer ona, ne’e duni horiseik iha Konsellu Ministrus mos ko’alia kona ba ida ne’e KRAM fo hatene katak husi grupu hotu hotu kontente bele halo suspensaun ne’e maibe barak la konsege iha kontrolu ba membru sira Fatin treinamentu iha barak Tebes. Ho nune’e mak ha’u mai Informa ba Prezidente katak ami kontinua nafatin suspende fulan ne’en Tan hodi grupu hotu hotu bele iha kontrolu ba sira nia membru hotu-hotu, fatin ne’ebe sira halo trenu ne’e Tenke kontrolu”, dehan PM Xanana iha Palasio Presidensial (21/03/2024).
Xefe Governu ne’e informa, iha tempu suspensaun ba Fulan Neen ne’e karik la iha problema ruma maka governu sei prepara atividade ida ba Grupu arte marsiais no rituais sira.
