Tve-t Dili, 25 Marsu 2024 – Prezidente Repúblika Jose Ramos -Horta fó Medalla Méritu nian ne’ebé prestijiozu ba Xefe Misaun Organizasaun Internasionál ba Migrasaun (OIM) iha Timor-Leste, Aishath Ihma Shareef, ohin iha Palásiu Prezidensiál Nicolau Lobato, Dili.
Medalla Méritu rekoñese lideransa husi Shareef hodi orienta OIM nia apoiu ba esforsu dezenvolvimentu nasionál Timor-Leste nian, tuir dekretu prezidensiál loron 12 fulan-marsu. Prezidente Repúblika no iha utilizasaun ninia podér sira ne’ebé prevee iha artigu 85 parágrafu j) Konstituisaun Repúblika, hamutuk ho artigu 2 Dekretu-Lei no. 15/2009, loron 18 fulan-marsu, dekretu sira atu entrega Medalla Méritu ba Xefe Misaun Organizasaun Internasionál ba Migrasaun (OIM), Aishath Ihma Shareef.
Iha entrevista Xefe IOM, Aishath Ihma Shareef ko’alia liu kona-ba kolaborasaun OIM nian ho governu Timor-Leste desde tinan 2002 kona-ba sistema jestaun fronteira, polítika migrasaun, fasilita remisaun husi traballador timoroan sira iha rai-li’ur, no área xave sira seluk.
Medalla Méritu, ne’ebé harii liuhusi Dekretu-Lei iha tinan 2009, rekoñese membru militár, polísia no sivíl sira, nasionál no internasionál, ne’ebé kontribui maka’as ba pás, estabilidade no dezenvolvimentu demokrasia iha Timor-Leste.
OIM fó apoiu ba Timor-Leste desde tinan 1999, hodi fó asisténsia iha área sira hanesan resposta emerjénsia, jestaun migrasaun, kombate tráfiku umanu, no fasilita reintegrasaun no rekuperasaun sustentavel.
