Tve-t,Kuarta feira (27/03/2024) : Dili – Komandante Jeral polisia Nasional Timor-Leste(PNTL) Komisariu jeral Henrique Da Costa profunda hato’o agradese ba Polisia Nasional Timor-Leste ne’ebe komemora aniverssario ba dala 24.
Komemorasaun aniversario PNTL ba dala 24 no iha loron 27 fulan marsu 2000 husi primeiru grupi joven polisia hamutuk 50 adapta ona evolusaun sosiedade no konsolida nia pozisaun hanesan agente produtor seguransa no hatudu sira nia kapasidade profesionalismu no reziliensia ne’ebe as.
“Tinan kotuk liu ba ha’u asume kargu hanesan komandante jeral no iha ha’u nia diskursu hato’o iha tempu ne’eba ami kompromete hodi dedika a’an ba interese publiku ho komprimisiu motivasaun ne’ebe a’as lealdade espiritu ba misaun no buka atu solusiona problema mesmu iha difikuldade ida ne’e mak ami hal8 ba interese no benefisiu instituisaun no povu nian. Iha tempo ne’eba mos ami aprejenta mos prioridades 5 ne’ebe mak sai hanesan matadalan ba ami nia komprimisiu ba nasaun iha periodu 2023/2026 hodi servi rai no povu ida ne’e ami hahu hala’o ami nia servisu hodi atinji metas sira ne’ebe estabelese ona”, Dehan Komandante Jeral Komisariu Henrique Da Costa.
Tamba ne’e iha parte melloria jestaun institusional halo ona ajustamentu iha estrutura PNTL elabora mos prosesu promosaun ba modalidade atinguidade no eskolla propoin ona kuadru pessoal adekuadu ba nesesidade polisia nian, halo mos estudu ba nesesidade rekrutamentu realiza mos atividades ne’ebe promove igualdade jeneru no inkluzaun ami mos dezenvolve hela prosesu legal sira ne’ebe nesesariu ba konkretizasaun institutu siensia polisia no akademia polisia,kria moz assosiasaun esposas/Maridus PNTL.
Bainhira hahu halo ona nia papel importante tebes relevante ho pontu de vista sosial ba realizasaun atividades sira ne’ebe proporsional ba membru hirak ne’ebe enfrenta difikuldade balun,ba prespetiva futuru ne’ebe di’ak aprofunda mos relasaun sira ho parseiru dezenvolvimentu saliente mos katak,ho objetivu atu proporsiona asistensia medika,psikolojiku no aimoruk ba polisia no mos ba sira nia familia.
Mantein kontaktu proximu ho departamentu saude hodi implementa medidas ne’ebe adekuadu ba prevensaun no analize ba moras ne’ebe mosu husi atividades polisia nian,hodi mantein relasaun di’ak ho hospital nasional guido valadares(HNGV),hodi enkamiña polisia no funsionariu sivil sira ho problemas saude ne’ebe grave liu.
Reforsa mos legislasaun kolabora mos iha revizaun lei organika,estatutu profisional no regime renumeratoriu,kontribui mos hodi fo pareser ba iha kodigu estrada no regulamentu sinalizasaun tranzitu no propoin regulamentu sira ba konkursu admisaun ba agente no ofisiais sira.
