Tve-t Dili, Kuarta-feira (27-03-2024) – Prezidente Repúblika(PR) José Ramos Horta husu ba instituisaun Polisia Nasional Timor-Leste (PNTL), buka servi povu no estadu ho respeitu dekretu etika profisional nian, nune’e atu servi povu no estadu ho diak liu tan iha rai Laran.
“Ho lemba ida nee, importante teb-tebes, forsa ida neebe profisional duni, signifika kompetensia teknika, kompetensia operasional no mos hanesan auto sufisiente, rejilia, ne’ebe bele hamrik ho nia ain rasik, kuandu iha krime ruma, bele monu no bele hamrik fila”, Xefe Estadu dehan iha Diskursu aniversariu PNTL ba dala 24 (27/03).
Horta konsidera, PNTL no F-FDTL hanesan instutisaun rua ne’ebe garante dame no seguransa, nune’e nia husu atu labele hetan foer ruma iha sira nia naran, tenke iha disiplina 100%. Nune’e Nasaun Timor-Leste kontinua moris nafatin iha dame nia laran, la iha konflitu Armadu, la iha Gerra sivil no la iha tensaun relizujo ka etiku iha Rai Laran.
“Hakarak forsa polisia ida aas liu iha mundu, hanesan liberdade imprensa iha Timor numeru 10 iha mundu no iha demokrasia no numeru 1 iha sudeste Asiatiku, ita nia PNTL tenke halo parte iha grupu, instutisaun polisia iha mundu nee numeru 10, leten liu ho komportamentu neebe diak liu, nunee mos ita forsa armadas Iha mundu neebe ita hare daudaun, difisil tebes-tebes iha rai barak tebes-tebes, pelus menus iha Timor ita buka matein nafatin hanesan iha ida paz”, Horta Salienta.
Xefe estadu mos hato’o Agradesementu espesial ba programa Timor-Leste Police Development Program (TLPDP), husi polisia Federal Australia (AFP), hare Australia federal polisia, hanesan modelu ida diak liu, modelu ida intergradu la iha multiplikasaun, unidades oin-oin, dala ruma ita hatene ida-idak nia funsaun depois iha konflitus,ida nee akontese iha rai barak.
“Hakarak agradesimentu ba Indonesia, parseiru ida importante liu ba ita, tanba Fronteira terestre no Fronteira maritima, kolaborasaun diak tebes, Indonesia tulun ita ,setor seguransa no setor politika, ita adiasaun ba Asean, Indonesia esforsu no elementu imigrasaun no elementu polisia, para ita bele tama didiak iha ASEAN iha setor sira nee.
Enkuantu Horta mos alerta tenke loke odamatan liu tan ba partispasaun feto iha instituisaun PNTL no sosieadade.
