Tve-t Dili, Segunda feira (01/04/2024) – Primeiru-Ministru(PM) Kay Rala Xanana Gusmão husu ba Embaixadór Dezignadu Timor-Leste ba Republika Cuba, Nívio Magalhães atu fortifika koperasaun bilaterál Timor-Leste ho Governu Cuba iha área saúde, edukasaun no seluk-seluk tan.
Xefe Governu tatoli mensajan ne’e durante simu no hala’o enkontru ho Embaixadór Dezignadu Timor-Leste ba Republika Cuba, Nívio Magalhães ne’ebé husu orientasaun politika kona-ba politika Timor-Leste nian, molok hala’o viazen servisu ba Cuba iha semana ne’e.
“Ohin mai hasoru senhor Primeiru-Ministru Xanana hodi hato’o agradese ba konfiansa tomak hosi IX Governu Konstisionál nian ba ha’u atu hala’o knaar hanesan Embaixador Timor-Leste ba Cuba, no ha’u mai husu orienetasaun politika hosi cau- cilencia Primeiru-Ministru hodi foritika ita nia relasaun ho Cuba iha área saùde, edukasaun no área seluk tan,” informa Embaixador Nívio ba jornalista iha Palasiu Governu, Dili.
IX Governu Konstisionál define Timor-Leste nia polítika esterna ho prinsípiu ida- ne’ebé konsagra sentidu independénsia no soberania mak: “Ba Timor-Leste, Laiha Aliadu ka Inimigu, Hotu-Hotu sei Hamutuk no AMIGUS de’it!”. Ida ne’e sai hanesan (Timor) ita-nia lema, ne’ebé sei orienta ita iha relasoens esternas, iha ionjuntura internasionál sira hodi hametin no simu nasaun hotu.
Durante enkontru, Nívio Magalhães hato’o mós agradese ba Primeiru Ministru Xanana mensajen furak sira, tanba Cuba la’ós nasaun foun mai Timor Leste, no Cuba nia kontribuisaun ba Timor -Leste boot tebes hahú Timor-Leste luta ba ukun rasik aan too indepedensia Cuba nu’udar nasaun daruak ne’ebé estabelese ho relasaun diplomasia ho Timor-Leste hodi apoia área saúde no simu Timor-oan barak hasai estudu mediku nian iha área oin-oin.
“Primeiru-Ministru fó orientasaun lubuk ida durante ha’u nia mandatu atu foka mós ba área prioridade sira ne’ebé hala’o ona, no ha’u sei esforsu tomak hodi kontinua hametin relasaun rua no sei esplora oportunidade kooperasaun foun ho Cuba,” tenik nia.
Xefe Governu mos motiva Embaixador Cuba ne’e hodi entrega livru ida ho titulu “Xanana Gusmão e os primeiros 10 anos da construção do Estadu timorense” ba Embaixadór Nívio nu’udar joven foin-sa’e atu lee no aprende barak kona-ba politika Timor-Leste no prosesu kontrusaun estadu iha setòr oin-oin.
Embaixador Designadu ba Republika Cuba Nívio Magalhães simu posse hosi Prezidente Repúblika, José Ramos-Horta iha loron kuarta (13/03/2024), iha Palásiu Prezidensiál Nicolau Lobato, Dili hodi troka embaixadór ne’ebé remata ona nia mandatu iha Cuba.
