Tve-t Dili, Kuarta-Feira (03/04/2024) – Prezidente Repúblika(PR) José Ramos Horta fo Pose ba Pascasio De Rosa Alves nu’udar Adjuntu Prokurador Jeral Repúblika, tuir konstituisaun RDTL artigu 86 alinea I no artigu 133 No. 6, konjuga ho artigu 193 no.1 husi lei numeru 7/2022 loron 19 fulan maio ne’ebe aprova ona iha estatuto Ministério Público.
Adjuntu Prokurador Jeral Repúblika Pascasio De Rosa Alves Esplika, Agrdese no onra simu pose husi Prezidente Repúblika hodi asume knaar iha Ministério públiku, hodi serbi ba interesse patrimonio no propriedade estadu nian.
“Uluk nanain obrigado hakarak atu dehan ohin Ha’u Simu pose husi Prezidente Repúblika hanesan sidadaun Timor no hánesan obra boot ida mai ha’u hodi asume knaar importante ida iha Ministério público iha servisu estadu kontensiozu no interesse koletivu difusus”, Adjuntu PJR Pascasio De Rosa Alves hatete ba Jornalista sira iha palasio Presidensial Bairo Pite (03/04).
Nune’e atual adjuntu ne’e komprometidu katak ho tomada pose ne’e ba oin hánesan Adjuntu Porkurador Jeral Repúblika, sei servisu hare liu ba Area espesifika iha kontensiozu estadu hánesan interesse patrimonio no propriedade estadu nian, iha ne’ebe ita hotu hatene katak iha estadu iha partisipa atividade barak kontratual iha nia prorpiedade ne’ebe presija defende, ida ne’e hánesan misaun ida importante iha Ministeriu publiku atu asegura defeza ba iha patrimonio no interese estadu nian iha rai laran.
