Tve-t Dili, 5 Abril 2024 – Iha Loron Mundiál Saúde ba da-76, ho tema “Hau-nia Saúde, Hau-nia Direitu,” Prezidente J. Ramos-Horta hamutuk ho ofisiál governu no líder saúde sira iha Dili hodi komemora importánsia saúde globál nian. Eventu ne’e, ne’ebé realiza husi kolaborasaun entre Ministeriu Saúde Timor-Leste no Organizasaun Mundiál Saúde (OMS), fó onra ba esforsu sira ne’ebé laiha kolen husi traballador sira ne’ebé halo servisu hasoru pandemia COVID-19.
Iha ninia diskursu, Prezidente Ramos-Horta hanoin fali kona-ba papél krítiku Nasoins Unidas nian hodi hatán ba dezafiu multilaterál sira husi COVID-19 inklui Timor-Leste. Nia hato’o nia agradesimentu ne’ebé kle’an ba doutór sira, enfermeiru sira no pesoál saúde komunitária sira, inklui polísia no seguransa ne’ebé tau nia-an iha risku hodi tau matan ba povu Timor-Leste durante krize saúde públika.
Partisipa mós iha eventu ne’e, Ministra Saúde Elia Amaral, Reprezentante OMS, Arvind Mathur, eis-Primeiru-Ministru, Rui Maria de Araújo, diplomata internasionál no lider nasionál sira.
Nu’udar Timor-Leste kontinua rekupera, Prezidente Ramos-Horta afirma fali kompromisu nasaun nian atu hametin sistema saúde no fó onra ba sira ne’ebé fó nia-an tomak ba risku atu mantein sira-nia maluk sidadaun sira seguru.
Média PR/Tve-t.
