LAT : Sai Lideransa Labele Pratika Ditadura Hasoru Povu

Tve-t, Portugal (29/04/2024) – Relasiona ho situasaun atual ne’ebe dadaun ne’e akontese iha rai laran, liliu eviksaun ne’ebe halao husi Sekretariu Estadu Asuntu Toponomia no Organizasaun Urbanu(Seatou), ba komunidade sira ne’ebe okupa espasu publiku iha capital Dili.

Ho nune’e Eis Xefe Estadu F-FDTL Jeneral Lere Anan Timur hateten, konkorda halo dezenvolvimentu iha rai laran hodi halo kapital Dili sai mos no furak maibe prepara uluk kondisaun ne’ebe dignu antes hasai povu sira husi sira nia hela fatin.

“Situasaun hirak ne’ebe mak dadauk ne’e akontese iha ita nia rai, no hau greve inan aman sira ne’ebe mak iha funu laran no maioria barak mak uluk terus ba gerigeru sira, fo sira nia vida tomak ba gerilleiru sira hodi kontinua funu ne’e ba oin ho ida nee ha’u rasik hare ba situasaun ida ne’e ha’u triste tebes no bele dehan hanesan nesesariu maibe tenki evita buat balun husi ne’eba, Sekretariu estadu toponomia organizasaun urbana halo asaun hodi  hamos sidade Dili sai furak, maibe hanesan mos halo terus ba nia inan aman sira ezemplu hanesan sobu fahi ida nia luhan mos ita sei buka fatin diak hodi halo hikas luhan ne’ebe di’ak ba fahi sira hanesan mos bainhira ita ba bosu edifisiu no ema nia uma sira,neebe mak hari kleur ona ho esforsu boot”, Lere Esklarese.

Lere afirma, nia konkorda bainhira hakarak halo sidade Dili sai furak maibe atitude ne’ebe mak halo ne’e la di’ak, nune’e nia dehan la iha lideransa ne’ebe hanesan autortarista, fasistas no ditador, tamba asaun ida nee la’os lideransa mak halo ida nee. Maibe ema lideransa la halo asaun hirak ne’e hasoru nia povu sira, bainhira lider ne’ebe hadomi nia povu kria uluk kondisaaun ne’ebe mak di’ak no dignu ba nia povu sira antes haruka nia povu sai husi fatin refere.

“Hanesan ukun na’in sira labele kompara an ho inan aman sira ne’ebe mak hala’o sira nia negosiu hanesan fa’an modo, husi modo ne’ebe sira fa’an ne’e mak hodi hetan rendimentu nune’e rezolve ba sira nia ekonomia uma laran no selu oan sira nia eskola, no ita hanesan ukun nain sira la hanesan ho sira ita kada fulan-fulan simu osan maibe sira la iha tenki buka liu husi atividades neebe sira halo loron-loron. Lideransa ne’ebe mak di’ak tenki respeitu mos ita nia inan aman sira iha fatin refere no tau sira iha fatin ne’ebe mak di’ak no dignu tamba sira lahatene ba ne’ebe. hanesan lider tenki hatene uluk ba ne’ebe hau lori hau nia povu sira ba laos duni sira sai hanesan animal nee asaun ditadura mak ita halo hasoru ita nia povu sira, ho ida ne’e mak ha’u rasik la konkordu ho asaun hirak nee maibe ba sidade nia furak hau konkorda maibe laos halo asaun ditadura hasoru ita nia povu sira” LAT salienta.

Eis jeneral ne’e lamenta no triste bainhira hare inan aman sira tanis no halerik ba asaun sira ne’e, no mos lori ho parte siguransa hanesan F-FDTL no PNTL, klaru PNTL nia servisu ba atu asegura situasaun no la iha kuestaun estabilidade, ne’e la iha F-FDTL no PNTL la’os kestaun inestabilidade no inseguransa maibe inseguransa ba ema sira ne’ebe mak ezekuta hanesan ba asegura SEATOU.

“Bainhira iha ha’u nia mandatu sei la fo autorizasaun ba membru seguranca hodi ba akompanha SEATOU sobu povu sira nia hela fatin,no bainhira mosu situasaun hanesan konflitu,crime mak hau sei interven ba aktus sira hanesan ne’e ba dirijente ema ida nian nee servisu polisia nasional timor leste nian laos servisu F-FDTL nian servisu buat hotu hakarak uza f-fdtl no mosu biat ruma F-FDTL mak sala nafatin hau konkorda halo dezenvolvimentu ba ita nia rai maibe laos uza ita nia forsa hasai ita nia povu sira”, nia salienta.

“Hau rasik hare asaun neebe SEATOU halo ba povu sira hau laran triste hau bare mata ben ita halo inan aman sira hanesan animal sentimentu husi lider nian sai oinsa bainhira hare nia povu sira halerik ne’e la’os metodu di’ak no forma ne’ebe mak di’ak sekretario estadu asuntu  toponomia Urbana(SEATOU) tenki muda asaun hirak ne’e no ita labele kompara ita nia povu sira nia moris ba iha tinan 50 nian tamba funu fo fitar ba sira neebe mak sdi matak iha sira nia isin no sei kanek. Bainhira ita hasai ho dignu povu sira sempre hatan ba lideransa sira ami prontu hodi kopera ho estadu povu seidauk hatan ba estadu ho liafuan ami lakoi husu ba SEATOU atu labele uza asaun ditadura hasoru povu sira governu kada tinan lima troka tamba deit dili nia mos no furak tenki hasai ita nia povu husu ba nonu governu atu servisu hamutuk anterior hodi hare povu nia moris ba diak”, Nia Afirma.