Tve-t Dili, 30/04/2024 – Relasiona ho Eleisaun ba órgaun Suku periodo 2024-2027, nune’e kandidatura orgaun suku Manleuna, Postu Administrativu Dom Aleixo, Munisípiu Díli avansa ba segunda ronde tanba votu sedauk la prienxe rekizitu 50%+1.
Elesaun suku realiza iha loron 27 fulan-Abríl 2024, nune’e iha Suku Manleuana ne’ebé hala’o ho kandidatu xefe suku na’in-haat mak hanesan, Alexandre Soares Dias Francisco Tilman, Jacob Tilman Soares ho Natercio Ximenes Lago.
Votus ne’ebe mak militantes sira fo afavor ba sira mak hanesan; Alexandre Soares Dias hetan votu 1,112, Francisco Tilman (1.033), Jacob Tilman Soares (1.835) ho Natercio Ximenes Lago hetan votu 359.
Enkuantu husi rezultadu ne’e maka eleisaun órgaun suku iha suku Manleuana, hatudu kandidatu na’in-rua; Jacob Tilman Soares ho Alexandre Soares Dias avansa bá segundu volta nune’e elesaun ba Sungundu Volta sei hala’o iha loron 13 fulan-Maiu 2024.
Relasiona ho Eleisaun Iha Suku Manleuana, Prezidente meza apoiu Estáquio Tilman hateten liga bá iha lei CNE ho STAE artigu 71 númeru 1 define katak bá kandidatu ida ne’ebé mak manan tenke ho votu válidu nune’e mós tenke to’o metade tanba ne’e mak iha votu nulu ho branku la konta.
Enkauntu Iha artigu 71 númeru 2 hateten karik husi kandidatu sira ne’ebe mak la atinje 50%+1 maka sei avansa bá eleisaun segundu volta tanba ne’e determinasaun ba elesaun Segundu volta laliu loron 15 nia laran tenke realiza eleisaun.
“ kandidatu ne’ebé mak sai hanesan vendedór ka manan na’in iha eleisaun suku ne’e tenke to’o metade Katak votu validu ne’ebé mak iha, ita la konta ho votu nulu no branku ne’e ita nia lei rasik mak hateten nune’e, tanba ne’e ita labele inventa sasán, tanba ne’e ita avansa ba segunda volta tanba ita nia metade la to’o 50%+1,” hateten prezidente meza apoiu eleisaun Suku Manleuana, Eustáquio Tilman iha Sede Suku Manleuana.
Nune’e José Soares Reprejentante Administrador ne’e apela ba Komunidade sira hotu atu partisipa nafatin iha elesaun Segundo Volta ne’ebe mak sei realiza iha loron 13 fulan-Maiu 2024.
“Tuir kalendariu husi Comisaun Nasional Elesaun katak Eleisaun Segundu volta sei mai iha loron 13 fulan-Maiu 2024, ha’u husu bá hotu-hotu tenke partisipa fó nafatin sosializasaun no diseminasaun informasaun bá komunidade atu partisipa ho másimu. Se eleisaun mak ita la hili ita-nia lideransa komunitáriu ita atu bá ne’ebé loos atu trata dokumentu ka surat ruma atu halai bá ne’ebé,” José Soares Terminator afirma.
Iha fatin fatin hanesan kandidatu ho númeru (3), Jacob Tilman Soares dhanesan kadidatura ne’ebe mak avansa bá segundu volta hateten, programa husi STAE no CNE ninian tanba valor ka rezultadu ne’e votu ne’ebé mak akontese tama bá apuramentu la prienxe rekizitu 50%+1.
Nia hateten iha loron 15 nia laran molok ba Eleisaun Segundu Volta nia sei prepara an hodi tun fali ba baze hodi halo sosializasaun, maibe atu manan ne’e desijaun husi Povu.
“ durante loron 15 n’e ha’u sei prepara an no oinsá mak tun fali bá iha baze hodi halo sosializasaun hodi prepara bá eleisaun segundu volta nian. Maibé buat hotu iha povu nia liman, povu mak deside,” Jacob Tilman Soares hateten.
Suku Manleuna iha Aldeia 10 mak hanesan; Badiac, Efaca, Lemocari, Lisibutak, Lau-lora, Mauc, Mane mesak, Manleuan, Mundu Perdido no Ramelau.
Alende ne’e mos Abitante sira ne’ebé horik iha Suku Manleuna hamutuk 7.891 nune’e partisipante iha eleisaun órgaun suku tinan nne’e hamutuk 4.533 no la partisipa hamutuk 3.358, votu nulu 165 no branku 29.
