Tve-t Dili, Tersa-feira (07/052024) – Espoza Embiaxador sris husi nasaun oin-oin ne’ebé iha Timor-Leste, hamutuk nain 15 prontu apoiu Prezidente Repúblika José Ramos Horta hodi apoiu hahán ba labarik sira ne’ebé iha maka ma-nutrisaun.
Tanba ne’e Espoza Embaixadór Repulik Indonézia -iha Timor-Leste, Flantina Sari Mutiara Silalahi, sorumutu ho Xefe Estadu hanesano portunidade ida ne’e importante di’ak tebes ba sira. hafoin rona direta katak Prezidente Repúblika iha atividade ida kona-ba atu apoiu hahán ba labarik sira.
“Ami hanesan espoza embaixada ne’ebé establese iha Dili Timor-Leste, PR bolu ami atu haree hodi haree no hatene atividade ne’ebé Prezidente Repúblika halo, hodi fó hahán ba labarik sira ne’ebé maka hahan la tuir nutrisaun, tanba ne’e ami prontu kopera hodi servisu hamutuk ho Prezidente Repúblika ba programa ne’e,” lantina Sari Mutiara Silalahi, ba Jornalista sira iha hafoin termina enkotru ho Prezidente Repúblika José Ramos Horta iha iha Kantina Matak Palásiu Prezidensiál Aitarak laran Dili Tersa, 07 Abríl 2024.
Nia hatutan Programa Xefe Estadu Timor-Leste ne’e hanesan parte ida ke di’ak tebes, nune’e sira prontu apoiu, tanba hanesan inan ida ne’ebé iha oan no iha interese ba ida ne’e preoridade ba labarik sira iha Timor-Leste hodi hetan nesesidade ne’ebé maka labarik sira presiza hahán ne’ebé maka ho nutrisaun di’ak.
“Espera ida ne’e hanesan primeiru, ami bele sai parseiru di’ak ba Prezidente Repúblika nia atu atividade ida ne’e,” nia dehan .
Nia afrima, Prezidente Repúblika mós esplika, objetivu loke oportunidade ida ne’e hodi lori labarik hodi konsumu hahán ne’ebé di’ak, atu nune’e bele apoiu mós Governu liuhusi Ministériu Saúde reduz mal-nutrisaun iha Timor-Leste.
Tanba ne’e espoza husi Embixador ne’ebé dezingadu iha Timor-Leste, sei apoiu programa ne’e tuir ida-idak nia kapasidade.
“Prezidente konvida ami hodi suporta ba atividade ida ne’e tuir kapasidade ne’ebé maka ami iha, ami nia partisipasaun ne’e ami sei apoiu prezidente Repúblika nia atividade. Ida ne’e hodi redus ma-nutrisaun iha Timor-Leste,” katak espoza embaixador Indonézia.
Nia mós , konsidera atividade ne’e di’ak tebetebes tanba programa nasionál espesial estadu Timor-Leste, sei hetan husi internasionál.
“Ami nia mensajen maka ba inan aman sira agora la mesak ona, hanesan komunidade iha ita nia liman hodi ajuda labarik sira atu hodi hetan nesesidade ne’ebé sira hakarak”, katak nia.
Tanba labarik sira ne’e maka jerasaun ba futuru hodi lori Timor-Leste di’ak liután.
Iha fatin hanesan, responsabel kantina Matak Palásiu Prezidensiál Bela Gailos hetete, kantina Matak nu’udar fatin esensial ba dapur Prezidente Repúblika nian ba povu kbiit laek sira.
“Kantina matak ne’e, fatin ne’ebé mak fornese ai-han ba populasaun sira, liuliu labarik, feto isin rua, feto sira ne’ebé kous labarik, mai husi familia kiak, ida ne’e sai kestaun ne’ebé preokupasaun boot husi Prezidente Repúblika, tanba kestaun ma-nutrisaun, labarik sira krekas no labarik sira ho familia neeybe la iha asesu ba hahán saidavel,” hatete Bela Gailos.
Programa ne’e PR Horta loke iha 16 Dezembru tinan 2022, bainhira hetan asume fali Prezidente Repúblika ho objetivu atu fornese hahán ne’ebé menu mais husi Prezidente Repúblika loron-loron, Segunda to’o Sesta.
Kantina Matak iha ne’ebé Xefe Estadu loke ne’e fó espasu ba ema integridade sira, ka embaixada sira, Organizasaun internasionál, nasionál no individual, sira ne’ebé iha interese atu ajuda programa ida ne’e.
Bela Gailos esplika, Prezidente Republika no intesaun ne’ebé nia halo. hanesan ba dahuuluk, maibé nia ho espíritu ida katak, programa ida ne’e bele replika, no ema seluk bele hetan inspirasaun bele halo iha fatin seluk, atu nune’e responde ba situasaun hamlaha
Tuir dadus ne’ebé iha katak labarik sira mai han iha Kantina Matak Palásiu Prezidensiál hamutuk 400, maibe dala ruma liu, liu-liu kuandu iha eventu sira ne’ebé maka Prezidente Repúblika ho nia bainaka sira mai husi liur, bele labarik sira aumenta, 600 no 700.
“Inan isin rua, ami la foti dadus, tanba Prezidente Repúblika nia maneira mak ne’e, hahan mak ne’e, sé de’it mak mai han, maibe tarjeitu ba Labaraik kikoan, inan isin rua sira, no inan sira ne’ebé fo susu labarik no husi familia kiak, ne’ebé loron-loron ita haree numeru sae no tun, maibé barak liu ne’e sae, tanba labarik barak liu ne’e kikioan no akompanamentu husi sira inan rasik, nia informa.
Nia esplika, menu husi hahan ne’e mak hanesan Manu-tolun, Tahun Tempe, Na’an Manu, modo no ai-fuan, hanesan hudi Apel no seluk tan.
“Exemplu, se ohin manu, akompanha modo ho sopa, aban manu-tolun no akompana jo modo ho sopan, sopa nee tenke, tanba Prezidente Republika interese liu hakarak introdús ba labarik sira atu han modo, tanba ita hare ita familia barak, labarik kikoan sira la gosta modo tahan no akompana mos ai-fuan, hanesan Hudi, Pateka no Saburaka, entaun ida nee ami tenta enkoraja labarik sira,” nia dehan.
Responsabel ba kantina matak ne’e espera ba espoza embaixador sira nia presenza iha ekipa husi unidade empoderamentu ekonomia ba feto hamutuk ho kantina Matak, bele konvense no inspira sira para atu bele involve iha prosesu ida ne’e, bele halo boot liu ba oin.
Husi programa ida ne’e, bele garante katak bele reduz numeru mal-nutrisaun, t dala barak kontra Prezidente Repúblika hateten nia la bele reduz ema hotu nia problema iha rai ida nee, liu-liu liga ba
Ho apoiu espoza embaxador sira ne’e, bele alarga tan Munisipiu sira seluk, tanba agora daudaun Prezidente Repúblika haruka hela ekipa atu ba haree área Oekusse, hodi haree posibilidade fatin ne’ebé bele fornese tan hahán liu-liu komunidade sira iha área remotas, ne’ebé kuaze la iha asesu ba hahan di’ak.
“Hahan, parese iha, maibe hahan di’ak no saudavel ne’e mak sai kestaun boot, iha tempu badak ita halo tan ida iha Oekusi,”. Nia hakotu.
